پاکستان دی درخواست تے ٹرمپ تے ایران ڈو ہفتیاں کیتے جنگ بندی تے رضامند

امریکی صدر ٹرمپ منگل تے بدھ دی درمیان رات ایران تے تباہ کن حملے شروع کرن دی دھمکیاں دی دیڈ لائن توں پہل ڈو گھنٹے جنگ بندی تے راضی ھاں دا اظہار کیتا۔ امریکا تے ایران ڈونہیں ڈو ہفتے پاروں جنگ بندی تے راضی۔
ٹرمپ دا آکھن ھا فوری جنگ بندی ڈونہیں پاسوں ہوسی، ایران دی طرفوں ۱۰ نکاتی تجویز رکھی گئی جو مذاکرات دی بنیاد ھِ
انہاں دا آکھن ھِ کہ فوری جنگ بندی معاہدہ ایران دے آبنائے ھرمز کوں مکمل تے فوری کھولن دے معاھدے تے ھِ
سرائیکی نیوز دے مطابق امریکی رپورٹاں اچ اے وی آکھا گیا ھِ کہ اسرائیل وی ایں تے راضی ھِ
ڈوجھے پاسوں ایران دے وزیر خارجہ عباس عراقچی دا آکھن ھا کہ ایران دی سپریم نیشنل سیکورٹی کونسل دی طرفوں اعلان کریندا ھان کہ ایران تے حملے روکے ونجن تاں اساڈی مسلح فوج وی اپنڑیں دفاع دی کارروائیاں روک ڈیسی۔
سوشل میڈیا پلیٹ فارم تے ٹروتھ سوشل تے صدر ٹرم کھے کہ پاکستان دے وزیر اعظم تے فیلڈ مارشل دے نال تھیون والی گالھ مہاڑ دی بنیاد تے ، جیتھاں انہاں میکوں درخواست کیتی کہ میں اج رات ایران دے خلاف بھیجی ونجن والی تباہ کن طاقت کوں روک ڈیواں۔
ایں شرط تے کہ ایران ، آبنائے ھرمز کوں پورا کھول ڈیسی تے محفوظ طریقے نال کھولیسی، تے ایران تے بمباری تے حملیاں کوں ڈو ہفتیاں کیتے معطل کرن تے متفق ہاں۔ اے ھک ڈو طرفہ جنگ بندی ہوسی۔
امریکی صدر لکھیا کہ ایندی وجہ ےاے ھِ کہ پہل ہی سب فوجی مقاصد حاصل کر چکے ہیں بلکہ انہاں توں وی اگئی تے ودھ گئے ہیں ۔ ایران دے نال لمبا امن تے مشرق وسطی اچ امن توں متعلق ھک حتمی معاھدے دے نیڑے ہین۔