اسلام آباد۔ 2 اپریل (اے پی پی) وفاقی وزیر خزانہ و محصولات سینیٹر محمد اورنگزیب آکھیے عالمی معیشت کوں درپیش بدلدے ہوئے چیلنجز دے تناظر اچ حکومت استحکام تے تسلسل کوں یقینی بݨاوݨ کیتے بین الاقوامی شراکت داراں تے ترقیاتی اداریں نال مسلسل رابطے اچ اے۔
انھاں اے ڳالھ پاکستان بزنس کونسل (پی بی سی) دے وفد نال ملاقات اچ آکھی اے۔ وفد دی قیادت کونسل دے نائب چیئرمین زیاد بشیر کریندے پئے ہن ۔ وزیر خزانہ شرکاء کوں عالمی معیشت کوں درپیش چیلنجز خصوصاً توانائی دی منڈیاں، سپلائی چینز تے غذائی تحفظ اچ پیدا تھیوݨ آلی رکاوٹاں دے حوالے نال حکومت دی کوششاں دے بارے اچ بریفنگ ݙتی ۔انھاں آکھیا جو پاکستان ہک اوکھے عالمی ماحول اچ اڳوں ودھدا پئے، حکومت استحکام کیتے بین الاقوامی شراکت داراں نال رابطے اچ اے ۔
پاکستان بزنس کونسل دے وفد معیشت کوں مستحکم کرݨ کیتے حکومت دی کوششاں دی تعریف کیتی تے قومی معاشی ترجیحات کیتے مکمل حمایت دا اظہار کیتے۔ وفد مسابقت ودھاوݨ، برآمدات اچ ودھارے تے رسمی معیشت کوں تکڑا بݨاوݨ کیتے تجویزاں پیش کیتیاں۔ وزیر خزانہ ڈھانچہ جاتی اصلاحات جاری رکھݨ دے حکومتی عزم دا اعادہ کیتا جنھاں اچ ٹیکس نظام کوں معقول بݨاوݨ تے ڈیجیٹلائزیشن شامل اے ۔ فریقین حکومت تے کاروباری برادری وچال مسلسل رابطہ برقرار رکھݨ دے عزم دا اعادہ کیتے ۔
وفد اچ زیاد بشیر، اعظم فاروق، عبدالصمد داؤد، دانش علی لاکھانی، محمد عارف حبیب، رضوان دیوان، سائرہ اعوان ملک، سمیر چنائے، یوسف حسین، جاوید قریشی تے سعود بنگش شامل ہن۔
