سپریم کورٹ نے موجودہ ملکی صورتحال دا نوٹس گھن گھیدا

0
166
سپریم کورٹ نے موجودہ ملکی صورتحال دا نوٹس گھن گھیدا

سپریم کورٹ نے موجودہ ملکی صورتحال دا نوٹس گھن گھیدا

ترجمان سپریم کورٹ دے مطابق عدالت عظمی نے ملک دی موجودہ صورتحال دا نوٹس گھن گھیدا انہاں آکھیا کہ سپریم کورٹ دے نوٹس دے حوالے نال مزید تفصیلات توں بعد اچ آگاہ کیتا ویسی۔

واضح رھاوے کہ کجھ دیر پہل ڈپٹی اسپیکر قومی اسمبلی قاسم سوری نے وزیر اعظم عمران خان دیخلاف تحریک عدم اعتماد کوں آئین و قانون دے منافی قرار ڈے تے مسترد کر ڈیتا ھا۔ فواد چوہدری دے اعتراض دے فوی بعد ہی ڈپٹی اسپیکر نے اراکین قومی اسمبلی نال مخاطب تھیندے ہووے آکھیا کہ وزیر اعظم پاکستان دیخلاف اپوزیشن نے تحریک عدم اعتماد ٨ مارچ ٢٠٢٢ کوں پیش کیتی ھائی ، عدم اعتماد دی تحریک دا آئین ، قانون تے رولز دے مطابق ہوون ضروری ھِ

انہاں آکھیا کہ کہیں غیر ملکی طاقت کوں اے حق نی کہ او سازش دے تحت پاکستان دی منتخب حکومت کوں ڈھاوے ، وزیر قانون جو نقات چاتے ہیں او درس ھن لہذا میں رولنگ ڈیندا ھاں کہ عدم اعتماد دی قرار داد آئین ، قومی خود مختاری تے آزادی دے منافی ھِ تے رولز تے ضابطے دیخلاف میں اے قرار داد مسترد کرݨ دی رولنگ ڈیندا ھاں۔

سنہاں دا آکھݨ ھا کہ اسلامی جمہوریہ پاکستان دے دستور دے آرٹیکل ٥٤ دی شق ٣ دے تحت تفویض کردہ اختیارات کوں بروئے کار گھن آندے ہووے جمعہ مارچ ٢٠٢٢ وکں طلب کردہ اجلاس کوں برخاست کریندا ھاں۔

ایں رولنگ دے کجھ دیر بعد ہی وزیر اعظم عمران خان نے صدر مملکت کوں اسمبلیاں تحلیل کرݨ دی تجویز بھیجی ھائی بعد زان صدر مملک عاف علوی نے آئین دے آرٹیکل ٥٧ ، ١ تے ٤٨ ، ١ دے تحت وزیر اعظم دی طرفوں قومی اسمبلی تحلیل کرݨ دی تجویر منظوری ڈے ڈیتی گئی ۔

متحدہ اپوزیشن نے ایں پیش رفت کوں غیر قانونی تے غیر آئینی قرار ڈیندے ہووے وزیر اعظم عمران خان دے خلاف ڈپٹی اسپیکر قاسم سوری دی طرفں تحریک عدم اعتماد دی قراردار مسترد کیتے ونجݨ تے سپریم کورٹ توں کردار ادا کرݨ دا مطالبہ کیتا ھِ

مسلم لیگ ن دے صدر میاں محمد شہباز شریفی نے آکھیا ھِ کہ عمران خان نے ملک کوں انتشار دی طرف دھکیل ڈیتا ھِ امید ھِ سپریم کورٹ آئین کوں برقرار رکھݨ اچ اپنڑاں کردار ادا کریسی۔

چیئرمین پیپلزپارٹی بلاول بھٹو نے آکھیا کہ آئین دے مطابق عدم اعتماد تے ووٹنگ اج ھی تھیونڑی ھِ متحدہ اپوزیشن نے اے فیصلہ کیتا ھِ کہ عدم اعتماد تے اج ہی ووٹنگ پاروں اساں اج ایں ویلے اپنڑیں وکلاء دے نال سپریم کورٹ پھج گئے۔ ٹوئٹر تے اپنڑیں ویڈیو پیغام اچ بلاول بھٹو نے آکھیا کہ اساں اسپیکر دے خلاف وی عدم اعتماد جمع کروا رکھی ھِ ھݨ واحد آئینی تے جمہوری رستہ ایہو ھِ کہ سپریم کورٹ اے فیصلہ ڈیووے کہ عدم اعتماد تے اج ہی ووٹنگ تھیووے۔

LEAVE A REPLY

Please enter your comment!
Please enter your name here