سپریم کورٹ اچ الیکشن کمیشن آف پاکستان دی جانب طرفوں پنجاب اچ انتخابات کیتے ڈیتی گئی تاریخ تے نظرِ ثانی دی درخواست تے سماعت شروع تھئی گئی۔
چیف جسٹس پاکستان عمر عطا بندیال دی سربراہی اچ جسٹس اعجاز الاحسن تے جسٹس منیب اختر تے مشتمل تریھ رکنی بینچ سماعت کریندا پیا ھِ سماعت دے آغاز اچ وکیل الیکشن کمیشن سجیل سواتی روسٹرم تے آ گعے ، انہاں عدالت کوں ڈسیا کہ وفاق تے پنجاب حکومت نے عدالت اچ جو جواب جمع کرایا او اساں کوں ھݨ ملا ھِ۔
جسٹس عمر عطا بندیال نےآکھیا کہ شاید تحریک انصاف نے جواب جمع نی کروایا ، جس تے الیکشن کمیشن دے وکیل آکھیا کہ تحریک انصاف سمیت کہیں فریق دے جواب دی کاپی نہیں ملی۔
وکیل الیکشن کمیشن نے استدعا کیتی کہ تمام جوابات دا جائزہ گھنݨ دا موقع ڈیتا ونجے ۔
چیف جسٹس آکھیا کہ تساں اپنڑیں درخواست تے تاں دلائل ڈو، آئندہ سماعت تے کوئی نواں نکتہ چا سکدے وے۔
الیکشن کمیشن دے وکیل سجیل سواتی نے دلائل دا آغاز کر ڈیتا۔
