سپریم لیڈر دی صحت چنڳی اے، وقتی عوام نال خطاب کر سڳدن، ایرانی وزارتِ خارجہ

تہران۔ 17 مارچ (اے پی پی) ایرانی وزارتِ خارجہ دے ترجمان اسماعیل بقائی آکھیے جو نویں سپریم لیڈر سید مجتبیٰ خامنہ ای دی صحت چنڳی اے تے او وقتی عوام نال خطاب کرسڳدن۔ تاس موجب ترجمان آکھیا جو میں تہاکوں ݙسا سڳداں جو او خیریت نال ہن تے امید اے جو او ٻہوں وقتی عوام نال خطاب کریسن۔ انھاں آکھیا جو مشرقِ وسطیٰ دا جھیڑا دراصل امریکہ تے اسرائیل دی طرفوں ایران تے مسلط کیتی ڳئی جنگ اے جیندے اچ ایرانی عوام آپݨے وطن دے دفاع کیتے پرعزم ہن تے او آپݨا دفاع ای کریندے پئن