سوشل میڈیا دی بندش پاکستانیاں جُگاڑ لبھ گھیدا، میمز دی بھرمار
سابق وزیر اعظم عمران خان دی گرفتاری دے بعد ملک اچ تھیوݨ والے مظاہریاں دے درمیان ڈو ڈینھ توں سوشل میڈیا پلیٹ فارم بلاک ھن تاہم بیشتر پاکستانیاں ایندا حل وی پی این دے نال کڈھ گھیدا، جیندے بعد ٹوئٹر تے میمز دی بھرمار شروع تھئی گئی۔
یاد رھاوے کہ پی ٹی آئی دے چیئرمین تے سابق وزیر اعظم پاکستان عمران خان ایں ویلے قومی احتساب بیورو (نیب) دی حراست اچ ھن تے انہاں کوں عدالت نے ٨ ڈینھ دے جسمانی ریمانڈ تے نیب دے حوالے کیتا ھِ
عمران خان دی گرفتاری دے ڈو گھنٹے بعد ھی ملک اچ پر تشدد مظاہرے تے احتجاج شروع جئیں پاروں مقامی انتظامیہ نے کجھ شہاراں اچ ١٤٤ لا ڈیتی ھِ
ایں ویلے وزارت داخلہ دی ھدایت تے پاکستان ٹیلی کمیونیکیشن اتھارٹی نے موبائل براڈ بینڈ سروسز تء سوشل میڈیا پلیٹ فارم کوں وی بلاک کر ڈیتاھا ، پی ٹی اے دا آکھݨ ھا کہ انٹرنیٹ بندش غیر معینہ مدت کیتے ھِ
تاہم شہریاں ایندا جُگاڑ کڈھ گھیدا ، کافی لوگاں وی پی این دے نال سوشل میڈیا پلیٹ فارم استعمال کرݨ شروع کر ڈیتا جیندے بعد یکے بعد دیگرے سوشل میڈای بالخصوص ٹوئٹر تے میمز دا طوفان آ گیا۔
خیال رھاوے کہ وی پی این دے معنی ورچوئل پرائیویٹ نیٹ ورک ھِ جیندے انسٹال کرݨ نال تساں سوشل میڈیا پلیٹ فارم استعمال کر سکدے وے لیکن شرط اے ھِ کہ ایندے کیتے تساڈے کوں موبائل اچ انٹڑنیٹ سروس موجود ہووے۔ کجھ صارفین لکھے کہ اسلام آباد پولیس وی وی پی این استمعال کریندی پئی ھِ
