ریاض۔ 18 مارچ (اے پی پی) حرمین شریفین دے امور دی جنرل اتھارٹی دی طرفوں رمضان المبارک دے دوران مسجد الحرام تے مسجد نبوی اچ قرآن کریم دے 10 لکھ نسخے ݙتے ڳئے۔ اردو نیوز موجب اتھارٹی زائرینِ حرمین دی سہولت کیتے قرآن کریم دے نسخے ݙٰیوݨ دا انتظام کیتا تاں جو رمضان المبارک اچ زائرین کوں کہیں اوکھ دا سامݨا نہ کرݨا پووے۔ اتھارٹی آکھیے جو مدینہ منورہ دے کنگ فہد قرآن کریم پرنٹنگ پریس دے تیار کیتے نسخیں کوں حرمین شریفین اچ وقتی ݙتے ڳئن جیڑھے زائرین دی لوڑھ موجب ہن۔ قرآن کریم دے نسخے ݙیوݨ سانڳے ادارے دی طرفوں باقاعدہ منصوبہ بندی دے تحت سارے امور انجام ݙتے ڳئے۔ قرآنی نسخیں کوں مرحلہ وار گراؤنڈ یونٹس کوں ݙتا ڳیا تاں جو او انہاں کوں حرمین شریفین دے اندر مختلف جہیں تے موجود شیلفاں اچ رکھن۔ حرمین شریفین اچ موجود عملہ مستقل بنیاداں تے قرآن کریم دے نسخیں دی فراہمی دے عمل اچ مصروف رہندے