اسلام آباد۔ 7 اپریل (اے پی پی) وزیراعظم محمد شہباز شریف سعودی ولی عہد تے وزیراعظم شہزادہ محمد بن سلمان نال ٹیلیفون تے ڳالھ مہاڑ اچ خطے اچ کشیدگی ڳھٹ کرݨ اتے امن کوشِشاں کوں اڳوں ودھاوݨ دے سلسلے اچ پاکستان دے عزم دا اعادہ کیتا ۔
منگل کوں سماجی رابطے دی ویب سائٹ ایکس (ٹویٹر) تے ہک بیان اچ وزیراعظم آکھیا جو انھاں آپݨے عزیز بھرا سعودی عرب دے ولی عہد تے وزیراعظم شہزادہ محمد بن سلمان نال ٹیلیفون تے ڳالھ کیتی اے اتے سعودی عرب دے نال پاکستان دی غیر متزلزل یکجہتی دا اظہار کیتے ۔
وزیراعظم آکھیا جو انھاں الجبیل آئل فیسلٹی تے تھیوݨ آلے حملے دی مذمت کیتی اتے آکھیا جو اساں آپݨے سعودی بھراواں تے ٻھیݨیں دے نال کھڑوں۔ وزیراعظم سعودی ولی عہد دی دانشمندانہ تے مدبرانہ قیادت اچ مملکت دے تحمل کوں سراہیا اتے خطے اچ کشیدگی اچ ڳھٹکی کیتے امن کوشِشاں کوں اڳوں ودھاوݨ دے سلسلے اچ پاکستان دے عزم دا اعادہ کیتا۔
