تحریک عدم اعتماد دے پچھو منصوبہ بندی اے جیکوں قوم ڄاݨݨ چاہندی اے، پاکستان تحریک انصاف دے وائس چیئرمین و وزیر خارجہ شاہ محمود قریشی دی پریس کانفرنس

0
117

اسلام آباد (اے پی پی)پاکستان تحریک انصاف دے وائس چیئرمین و سابق وزیر خارجہ شاہ محمود قریشی آکھیے جو تحریک عدم اعتماد دے پچھو منصوبہ بندی اے جیکوں قوم ڄآݨݨ چاہندی اے، عدلیہ ایں معاملہ دی تحقیقات کیتے جوڈیشل کمیشن تشکیل ٻݨا سڳدی اے۔ اے ڳالھ انہاں پریس کانفرنس اچ آکھی جو وزارت خارجہ دے حکام اتے سفارتکار ایماندار اتے سلجھے ہوئے ہین، اپوزیشن آہدی اے جو تحریک عدم اعتماد دا مسترد تھیوݨ آئین شکنی اے، ڈپٹی سپیکر توں نئیں مکریے بھل اے رولنگ حقائق دی بنیاد تے ݙتی اے، ہݨ اے معاملہ سپریم کورٹ اچ اے۔ انہاں آکھیا جو ٻئے ملک توں ٻیڄیا ڳیا مراسلہ اصلی اے، ابہام نہ پاتا ونڄے، اپوزیشن پارلیمانی سلامتی کمیٹی اچ سپیکر دی دعوت دے باوجود کیوں نئیں آئی؟ ٹکٹاں دے وعدے اتے ضمیر فروشی دی کیا آئین اجازت ݙیندے، تحریک عدم اعتماد دیاں تنداں کتھائیں تاں ملدن جیکوں قوم ڄاݨݨ چاہندی اے۔ شاہ محمود قریشی آکھیا جو جیڑھے لوکاں نال اندرون و بیرون ملک غیر ملکی سفارتکار ملدے رہین ایندی تحقیقات تھیوݨی چاہیدی اے جیندے کیتے عدلیہ جوڈیشل کمیشن ٻݨا سڳدی اے، ایں معاملے تے قومی سلامتی کمیٹی دا مؤقف واضح اے۔

LEAVE A REPLY

Please enter your comment!
Please enter your name here