وزیراعظم کل احساس آمدن پروگرام دا اجراءکریسن، ڈاکٹر ثانیہ نشتر

0
120

اسلام آباد ۔ 20 فروری (اے پی پی) وزیراعظم دی معاون خصوصی برائے سماجی تحفظ تے تخفیف غربت ڈاکٹر ثانیہ نشتر آکھیا جو وزیراعظم اج احساس آمدن پروگرام دا اجراءکریسن، احساس آمدن پروگرام احساس فریم ورک دے تحت جاری کیتے ونجنڑ آلے پروگراماں اچوں ہک اے جئیں دا بنیادی مقصد پسماندہ طبقات سانگے ذریعہ معاش دے موقع پیدا کرنڑ اے۔خمیس کوں اپنڑے ہک بیان اچ انہاں آکھیا جو پروگرام دے تحت ڈتے ونجنڑ آلے اثاثیاں اچ مال مویشی،پولٹری،زرعی آلات،رکشے،چھوٹے دکانداراں اتے چھوٹے کاروباری اداریاں سانگے سامان آلات شامل ہن۔ایں پروگرام دا بجٹ15بلین روپے اے۔پروگرام کوں پاکستان اچ چاریں صوبیاں اچ 23 غریب ترین اضلاع دی 375 دیہی یونین کونسلاں اچ شروع کیتا ویندا پے،ایں چارل سالہ پروگرام دا ہدف مستحق ٹبراں کوں 200,000 اثاثہ جات ڈیونڑ اے،مستحقین اچ 60فیصد تریمتیں اتے30فیصد نینگر شامل ہن،پنجاب دے او ضلعے جتھاں اے پروگرام شروع کیتا کیتا ویندا پے اوندے وچ ڈیرہ غازی خان، جھنگ اتے لیہ شامل ہن۔

LEAVE A REPLY

Please enter your comment!
Please enter your name here