اقوام متحدہ (اے پی پی):پاکستان آکھیے بین الاقوامی امن اتے سلامتی کیتے ودھدے ہوئے سائبر خطرات نال نبݨݨ کیتے ھک ایجھا قانونی معاہدہ بہترین آپشن ہوسی جیڑھا جو ساریاں ریاستاں دے مفادات کوں پورا کریندا ہووے اقوام متحدہ اچ پاکستان دے نائب مستقل نمائندہ عامر خان گزریل ݙینھ اقوام متحدہ دی سلامتی کونسل دی ارریا فارمولا میٹنگ اچ آکھیے سائبر حملے ساݙے سماجی، اقتصادی اتے سیاسی میدان اچ زیادہ شدت دے نال تھیندے پئن جیں توں اہم انفراسٹرکچر اتے معاشریں تے تباہ کن اثرات مرتب تھیندے پئن ۔ایں پس منظر اچ انہاں آکھیے آئی سی ٹی (انفارمیشن اینڈ کمیونیکیشن ٹیکنالوجیز) دے پرامن استعمال کوں یقینی بݨاوݨ تے سائبر جنگ کوں روکݨ ھک اہم چیلنج اے ۔
ودھدے سائبر حملیں نال نبݨݨ کیتے نویں معاہدے دی لوڑے اے ، اقوام متحدہ اچ پاکستانی مندوب دا سلامتی کونسل توں خطاب
