عمران خان نال مذاکرات کائنی تھیندے پئے، گمراہی مارچ ناکام تھئی گئے، رانا ثناء اللہ

0
23
عمران خان نال مذاکرات کائنی تھیندے پئے، گمراہی مارچ ناکام تھئی گئے، رانا ثناء اللہ

وفاقی قانون نافذ کرݨ آلے اداریاں کوں آئینی اتے قانونی حق اے جو مسلح تھی تے ریاست تے حملہ آور تھیوݨ آلیاں کوں گرفتار کرن، عمران خان نال مذاکرات کائنی تھیندے پے، گمراہی مارچ ناکام تھی ڳے، وزیر داخلہ رانا ثنا اللہ خان

اسلام آباد۔1نومبر  (اے پی پی) وزیر داخلہ رانا ثنا اللہ خان عمران خان لانگ مارچ کوں گمراہی، فتنہ اتے فساد مارچ قرار ݙیندیں ہوئیں آکھیا جو عمران خان نال کتھائیں کہیں سطح تے مذاکرات کائنی تھیندے پے،  علی امین گنڈا پور ، کامران بنگش  اتے فیصل واوڈا  دی ڳالھ مہاڑ دے بعد وزارت داخلہ وزیراعظم توں درخواست کرݨ ویندی پی اے جو سول آرمڈ فورسز کوں آنسو گیس اتے ربڑ دی گولیاں دے نال نلا آپݨے تحفظ کیتے اسلحہ ݙتا ونڄے، کوئی گروہ مسلح تھی تے ریاست تے حملہ آوݨ تھیوݨ دی تیاری کریندا پیا ہووے تاں وفاقی قانون نافذ کرݨ آلے اداریاں کوں اونکوں گرفتار کرݨ دا آئینی اتے قانونی حق اے۔  میڈیا دے آزاد زرائع  اتے ٻی رپورٹس توں پتہ لڳے جو پنجاب دے ݙوہیں ڈویژن دے لوکاں عمران خان فتنہ ،فساد مارچ توں لاتعلقی کیتی اے۔ عمران خان کوں چاہیدے جو او آپݨے مذموم ایجنڈے کوں چھوڑ تے ملک دے آئین اتے قانون دے تابع تھی تے پاکستان دی ٻی سیاسی قوتاں نال ٻہے۔ آپݨے ماضی دے رویے تے معافی منڳے اتے ٻہہ تے ڳالھ کرے ۔

LEAVE A REPLY

Please enter your comment!
Please enter your name here