طارق عزیز خالق حقیقی نال ونج ملے، ہر دلعزیز شخصیت رخصت

0
674

کراچی( سرائیکی نیوز ) پاکستان دے معروف ٹی وی میزبان تے طارق عزیز شو تے بزم طارق عزیز جئے شہرہ آفاق ٹی وی پروگراماں توں شہرت پاوݨ والے طارق عزیز ھݨ ایں دنیا ءچ نی رھے۔

نجی ٹی وی چینل دے مطابق انہاں کوں طبعیت خراب تھیوݨ تے ہسپتال منتقل کیتا گئیا اوتھاں او جان دی بازی ھار گئے ۔ پاکستان دے معروف میزبان تے انتہائی نفیس شخصیت طارق عزیز نے ریڈیو تو اپنڑیں کیریئر دی شروعات کیتی ١٩٧٤ ءچ نیلام گھر شو دا آغاز کیتا او پی ٹی وی دے پہلے اینکر ہووݨ د ااعزاز وی رکھیندے ھن انہاں دے پروگرام نیلام گھر توں ملک گیر شہرت حاصل تھئی

انہاں متعدد فلماں ءچ وی کم کیتا فنی خدمات تے انہاں کوں ١٩٩٢ ءچ پرائیڈ آف پرفارمنس ایوارڈ نال وی نوازا گئیا ، طارق عزیز ١٩٩٧ توں ١٩٩٩ تک رکن قومی اسمبلی وی رہے ۔

طارق عزیز دی اولاد نہ ہائی جیئں پاروں انہاں اپنڑاں سبھ کجھ مرݨ دے بعد پاکستان کوں ݙیوݨ دا اعلان کیتا ھاِ تے اپنڑی ساری جائیداد تے دولت پاکستان دے ناں کر تے گئن ، انہاں آکھیا کہ اللہ میکوں اولاد نی ݙیتی اے خدا دی قدرت ھِ جیکوں چاھوے ݙیووے تے جیکوں چاہوے ݙے تے واپس گھن گھینے ۔ مرݨ دے بعد اپنڑیں ساری جائیداد دولت پاکستان دے ناں کرینداں ۔

طیبعت ویگڑ ونجݨ دی وجہہ پاروں او اپنڑیں خالق حقیقی نال ونج ملے، انہاں دے ونجݨ نال پیدا تھیوݨ والا خلاء صدیاں تک پورا نہ تھیسی۔ ادارہ سرائیکی نیوز دا اظہار تعزیت۔

LEAVE A REPLY

Please enter your comment!
Please enter your name here