جدید ٹیکنالوجی اتے بالخصوص انفارمیشن ٹیکنالوجی توں ودھ توں ودھ فیدہ چاوݨ دی لوڑھ اے ،عدالت محروم طبقے دے حقوق دے تحفظ کیتے پرعزم اے،جسٹس عمر عطا بندیال

0
40

اسلام آباد۔24ستمبر (اے پی پی):چیف جسٹس آف پاکستان جسٹس عمر عطا بندیال آکھیے جو جسٹس سسٹم اچ بہتری کیتے پرعزم ہیسے، جدید ٹیکنالوجی اتے بالخصوص انفارمیشن ٹیکنالوجی (آئی ٹی ) توں ودھ توں ودھ فیدہ چاوݨ دی لوڑھ اے ، کانفرنس دے دوران پیش کیتی ونڄݨ آلیاں تجویزاں توں انصاف دے شعبہ دی بہتری ماچ مدد ملسی ، عام آدمی دی انصاف تئیں آسان رسائی توں ملک اچ قانون دی حکمرانی کوں ودھارا تھیسی ،قانون دی حکمرانی توں ملک اچ سرمایہ کاری کوں وی ودھارا تھیسی ۔ ہفتے کوں اتھاں 9 ویں عالمی جوڈیشل کانفرنس دے اختتامی سیشن توں خطاب کریندے ہوئیں انہاں آکھیے جو کانفرنس دے دوران قابل عمل آئیڈیاز سامݨے آئن جنہاں توں فیدہ چاتا ویسی جھیڑیں دے حل کیتے متبادل نظام (اے ڈی آر)دے آئیڈیا کوں ودھارا ݙیوݨ ،مقدمیں دی وختی سماعت کیتے جدید ٹیکنالوجی اتے آئی ٹی توں ودھ توں ودھ فیدہ چاوݨ دی لوڑھ اے ، انہاں کانفرنس اچ ٻاہرلے ملک توں شرکت کرݨ آلے چیف جسٹسزاتے عالمی ماہرین دا شکریہ ادا کریندے ہوئیں آکھیے جو کانفرنس اچ جسٹس سسٹم اچ بہتری گھن آوݨ کیتے قابل عمل آئیڈیاز سامݨے آئن ، انہاں آکھیے جھیڑیں دے حل کیتے متبادل نظام دے آئیڈیا کوں ودھارا ݙیوݨ ،مقدمیں دی جلدی سماعت کیتے جدید ٹیکنالوجی تے آئی ٹی توں ودھ توں ودھ فیدہ جہیی کارآمد تجاویز سامݨے آئن ۔ سپریم کورٹ آف پاکستان اچ پہلے ہی ویڈیو لنک ٹیکنالوجی دی مدد توں ہزاراں مقدمیں دا فیصلہ کیتا ڳئے ، ایں ٹیکنالوجی توں مقدمہ تے آوݨ آلے خرچے گھٹ تھئن ۔چیف جسٹس آپݨے خطاب اچ آکھیے جو پولیس اتے پراسیکیوشن دی تربیت دی لوڑھ اے ، پولیس اتے پراسیکیوشن دی ٹریننگ توں مقدمیں کوں نبیڑݨ اچ تیزی آسی ، انہاں آکھیے جو سپریم کورٹ دی ساری رجسڑیاں تے پرنسپل سیٹ دے مقدمیں کوں سنٹرلائز کیتا ویسی ۔ عدالت محروم طبقہ دے حقوق دے تحفظ کیتے پرعزم اے،مشترکہ کوششاں توں پاکستان اچ قانون دی حکمرانی یقینی بݨائی ونڄ سڳدی اے ۔ خوشحال پاکستان کیتے ضروری اے جو انصاف تئیں ساریں دی مساوی رسائی ہووے۔حکومت اتے عدلیہ کوں اے ڈی آر طریقہ کوں اختیار کرݨا ہوی ۔ چیف جسٹس عمر عطا بندیال آکھیے جو پولیس اتے پراسکیوشن کوں آپݨی کارکردگی تے سانجھے تعاون کوں بہتر بݨاوݨا ہوسی ۔نظام انصاف دی بہتری کیتے عدلیہ تے بار کوں وی آپݨا قانونی علم بہتر کرݨا ہوسی ۔ انہاں آکھیے جو خواتین ساݙی آبادی دا پنجاہ فیصد ہن جنہاں کوں فیصلہ سازی اچ رلاوݨا ہوسی ۔خواتین کوں سارے سیکٹرز اچ وݙا کردار ݙیوݨ دی لوڑھ اے ۔خواتین دی بار اتے عدلیہ اچ نمائندگی ودھاوݨ دی لوڑھ اے، انہاں آکھیے قانون دی حکمرانی توں ملک اچ سرمایہ کاری کوں ودھارا تھیسی ۔

LEAVE A REPLY

Please enter your comment!
Please enter your name here