قصور دے بعد سرگودھا اچ ١٥ سالہ چھوکری دی لاش برآمد ، ڈو ملزمان گرفتار

سرگودھا(سرائیکی نیوز۔ بلال احمد سپرا)پاکستان دے صوبہ پنجاب دے ضلع سرگودھا اچ جمعرات دی سویر ھک ١٥ سالہ چھوکری دی لاش ملن دے بعد پولیس دی کارروائی ، ڈو ملزماں گرفتار،

تفصیل دے مطابق ڈی پی او سرگودھا چوہدری سہیل نے نمائندہ نال گالھ مہاڑ کریندے ہووے ڈسایا کہ جمعرات دی سویر سرگودھا دے ضلع دے ھک دیہاتی علاقے توں ھک ١٥ سالہ چھوکری دی لاش ملی ھائی، پولیس دا آکھن ھِ کہ چھوکری دے والدین نے لاش ملن دے بعد پولیس کوں ڈسایا کہ چھوکری سویر دے وقت اپنڑیں گھر توں نکلی ھائی چوہدری سہیل نے ڈسایا کہ پولیس نے فوری کارروائی کر تے ایں واقعے دے سلسلے اچ ڈو ملزمان کوں گرفتار کر گھیدا جنہاں توں ابتدائی تفتیش اچ ھی اعتراف جرم کروا گھیدا، پولیس دا آکھن ھِ کہ لاش دا طبعی معائنہ کیتا ویندا پیا ھِ تے ملزمان دے ڈی این اے ٹیسٹ وی کروائے ویندے پئے ھن ۔ ڈی پی او سرگودھا نے ڈسایا کہ متاثرہ خاندان انتہائی غریب ھِ تے ایں چھوکری دی تدفین دے اخراجات پولیس اپنڑیں بجٹ توں ادا کریسی۔ ملزمان دے بارے اچ پولیس دا آکھن ھا کہ انہاں دی متاثرہ خاندان دے نال کوئی رشتہ داری تاں کینی تاہم او مقتول چھوکری دے گھر والیاں کوں ملن والے افراد ھن ، واضح رھاوے کہ حال اچ ھی ضلع قصور اچ ریپ دے بعد قتل کیتی ونجن والی بالڑی زینب دی لاش ملن دے بعد ملک بھر اچ غم تے غصے دی ھک لہر دوڑ گئی ھِ قصور شہر اچ جمعرات کوں مسلسل ڈوجہے ڈنہوار وی شدید مظاہرے کیتے ھن۔  مظاہرین جمعرات دی سویر قصور دے ضلعی ہسپتال دے باہر جمع تھئی گئے ھن جیتھاں پولیس دی فائرنگ توں ہلاک تھیون والے ڈونہاں بندیاں دی لاشاں پوسٹ مارٹم  واسطے گھن آئے ھن۔