قصور، ھک بئی کمسن بالڑی کوں مبینہ زیادتی دے بعد قتل کر ڈیتا

قصور (سرائیکی نیوز) صوبہ پنجاب دے شہر قصور اچ ھک بئی کمسن بالڑی کوں مبینہ زیادتی دے بعد قتل کر ڈیتا گئیا پولسی دے مطابق قصور دے علاقے روڈ کوٹ دی رہائشی ست سالہ بالڑی پنجھ جنوری کوں ٹیوشن ویندے ہووے اغوا تھئی تے چار ڈنہیں دے بعد ایندی لاش کشمیر چوک دے نیڑے واقعے ھک کچرہ کنڈی توں ملہ، پولیس دے مطابق بالڑی کوں مبینہ زیادتی دے بعد گلہ دبا تے قتل کیتا گئے ۔

ڈی پی او قصور ذوالفقار احمد نے میڈیا نال گالھ مہاڑ کریندے ہووے ڈسایا کہ شہر اچ لگے سی سی ٹی وی کیمریاں دی مدد نال تفتیش جاری ھِ جبکہ بالڑی دے گھر والیاں نے وی سی سی ٹی وی فوٹیج فرام کیتی ھِ ڈی پی او دے مطابق سی سی ٹی وی فوٹیج اچ بالڑی کوں ملزم دے نال ویندے ہووئے ڈیٹھا گئے انہاں نے ڈسایا کہ مقتولہ بالڑی دے والدین عمرہ دی ادائیگی کیتے گئے ہووے ھن ڈی پی او دا آکھن ھا کہ مجموعی طور تے زیادتی دے بعد قتل تھیون والی اٹھویں بالڑی ھِ زیادتی دا شکار بالڑی دے ڈین اے توں ھک ھی نمونہ ملیا ھِ انہاں مزید آکھیا کہ قصور دے واقعات تے پنجھ ہزار توں زائد افراد توں تفتیش کیتی گئی ھِ جبکہ ٦٧ افراد دا میڈیکل چیک اپ کرویا گئے ۔

آر پی او شیخوپورہ رینج ذوالفقار حمید نے پریس نال گالھ مہاڑ کریندے ہووے ایں تاثر کوں رد کر ڈیتا کہ پولیس ایں واقعے دے بعد تفتیش اچ غفلت کریندی پئی ھِ انہاں دا آکھن ھا کہ بالڑی دے اہل خانہ نے سی سی ٹی وی فوٹیج فراہم کیتی تے اہل محلہ نے وی معاونت کیتی لیکن پولیس دی غفلت دا تاثر درست کینی انہاں آکھیا کہ علاقے اچ نصب درجناں سی سی ٹی کیمرے دی فوٹیج دا جائزن گھن ھک مشکل کم ھِ لیکن پولیس نے کافی دور تک ونج تے سرچ کیتے فوٹیجز ڈیٹھیاں تے ول ایں توں متعلقہ فوٹیج گھڈی انہاں دا آکھن ھا کہ اساں سیکورٹی دے حوالے نال ہر ممکن اقدامات کیتے ھن۔ انہاں دے مطابق ڈی این اے دے چھیانوے نمونے ٹیسٹ واسطے بھجوا ڈیتے گئے ھن جنہاں توں پنجھ کیسز ایہو جئے ھن جیتھاں اساں کوں شک ھِ ڈی این اے ھیکو جیا ھِ

واقعے تے لوگوں دا احتجاج

بالڑی دے قتل دی خبر جنگل دی بھا دی طرح پورے شہر اچ پھیل گئی تے لوگ احتجاج کریندے ہووے گھروں نکل آئے لوگاں نے سڑکاں بلاک کر ڈیتیاں تے مارکیٹاں وی بند کر ڈیتیاں گئیاں ڈوجہی طرف جگہ جگہ پولیس دے خلاف مظاہرے وی کیتے گئے تے فیرز پور روڈ تے مظاہرین تے پولیس دے درمیان جھڑپ تھئی ۔ شہریاں دا آکھن ھا کہ قصور اچ ھک سال دے دوران ١١ کمسن بالڑیاں اغوا دے بعد قتل کر ڈیتا گئیا لیکن پولیس ھک وی ملزم کوں گرفتار نی کر سکی۔ بعدازاں پولیس دی طرفوں ملزمان دی جلد گرفتاری دی یقین دھانی دے بعد مظاہرین نے احتجاج ختم کر ڈیتا تے تمام شاہراھواں تے ٹریفک بحال کر ڈیتا۔

واضح رھاوے کہ بالڑی دی لاش جئیں جگہ توں ملی اے اھو جگہ ھِ جیتھاں ایں توں پہلے وی ریب دا شکار تھیون والے بالاں دی لاشاں مل چکیاں ھن ھک ماہ قبل ھک پنجھ سالہ بالڑی پہلے وی ایتھاں نیم مردہ حالت اچ ملی ھائی جو ایں وقت چلڈرن ہسپتال زچ زیر علاج ھِ پولیس دے مطابق  مذکورہ بالڑی کوں بھاری مقادر اچ نشہ آور ادویات ڈیتیاں گئیاں ھن ۔ ایں توں قبل 2015 اچ وی قصور اچ بالڑیاں دے نال بدفعلی تے زیادتی دے بعد انہاں دی ویڈیو بنڑوان دے واقعات سامنڑیں آ چکے ھن

وزیراعلیٰ پنجاب دا نوٹس

وزیر اعلی شہباز شریف نے قصور اچ مبینہ زیادتی دے بعد بالڑی دے قتل دا نوٹس گھن گھیدا ، شہباز شریف نے قاتلاں کوں فوری گرفتار کرن دا حکم ڈیندے ہووے آکھیا کہ انسپکٹر جنرل آئی جی توں رپورٹ طلب کر گھیدی تے ہدایت کیتی کہ قاتلاں کوں گرفتار کر تے قانونی کارروائی عمل اچ گھن تے آئی ونجے۔ وزیر اعلی پنجاب دا آکھن ھا کہ قاتل قانون دے مطابق قرار واقعی سزا توں نی بچنڑاں چاھیدا۔وزیر اعلی پناجب نے مقتول بالڑی دے گر والیاں توں وی ڈوکھ تے افسوس دا اظہار کریندے ہووے آکھیا کہ متاثرہ خاندان کوں ہر قیمت تے انصاف فراہم کیتا ویسی ۔ انہاں دا مزید آکھن کہ کیس تے پیش رفت دی او ذاتی طور تے نگرانی کریسن۔