آرمی چیف دی روس ءچ عسکری حکام نال ملاقات
راوالپنڈی (سرائیکی نیوز) جنرل قمر جاوید باجوہ آکھیدے ھن کہ خطے دے مسائل دے حل کیتے پاکستان اپنڑاں کردار ادا کریندا رھاسی، تقسیم دی بجائے پاکستان خطے کوں متحد رکھݨ کیتے کردار ادا کریسی۔ آئی ایس پی آر دے مطابق آرمی چیف جنرل قمر جاوید باجوہ سرکاری دورے تے روس پھج گئے ھن انہاں نے کمانڈر روسی گراونڈ فورسز نال ملاقات کیتی ھِ ملاقات ءچ ݙو طرفہ دفاعی تعلقات، علاقائی سلامتی دی صورتحال تے تبادلہ خیال کیتا گئیا، آرمی چیف دا آکھن ھا کہ روس نے خطے دی مشکل صورتحال دی بہتری ءچ مثبت کردار ادا کیتا، پاک روس افواج دے درمیان تعلقات ودھاوݨ ءچ دلچسپی رکھیندے ھن۔ روسی کمانڈر نے دہشت گردی دے خلاف پاک فوج دی کامیابیاں کوں سراہا تے آھیا کہ جیو اسٹریٹیجک لحاظ نال پاکستان خطے دا اہم ملک ھِ علاقاتی امن استحاکم کیتے پاک فوج دا کردار کلیدی ھِ انہاں نے ݙونہاں ممالک دے افواج دے درمیان دفاعی تعاون دے فروغ دی خواہش دا اظہار وی کیتا۔
