Usman-Buzdar

بزدار حکومت دا صحت دے شعبے اچ ہک بیا سنگ میل،وزیراعلیٰ گنگاراک ہسپتال اچ مدر اینڈ چائلڈ ہسپتال دا منڈھ بدھ ڈتا

لاہور (اے پی پی )وزیراعلیٰ پنجاب سردار عثمان بزدارگنگاراک ہسپتال اچ مدر اینڈ چائلڈ ہسپتال دا منڈھ بدھ ڈتے۔10 منزلہ مدر اینڈ چائلڈ ہسپتال600 بستریاں تے مشتمل ہوسی اتے ڈو سالیں اچ پورا تھیسی،7ارب روپے دی لاگت امسی۔ہسپتال اچ 13آپریشن تھیٹرز بنڑائے ویسن جڈانجو گراﺅنڈ فلور تے ایمرجنسی دا شعبہ بنڑایا ویسی۔سیکرٹری تعمیرات ’ مواصلات وزیراعلیٰ عثمان بزدار کو ںمدر اینڈ چائلڈ ہسپتال دے منصوبے دی تعمیر اتے اہم خدوخال بارے بریفنگ ڈتی۔وزیراعلیٰ ہسپتال دے ماڈل دے نقاب کشائی کیتی۔ایں موقع تے انہاں آکھیا جو ملتان اچ نشتر ہسپتال ٹو تے کم شروع تھی گئے ، ڈیرہ غازی خان اچ انسٹی ٹیوٹ آف کارڈیالوجی دا اگلے مہینے منڈھ بدھیا ویسی،رحیم یار خان اچ شیخ زید ہسپتال ٹودا منصوبہ شروع کیتا ویندا پے،صحت دا شعبہ اساڈی پہلی اتے آخری ترجیح اے،خود منصوبیاں دی نگرانی کرینداں، سمن آباد ہسپتال کو ںگنگا رام ہسپتال نال جوڑنڑ اتے فاطمہ جناح میڈیکل یونیورسٹی دے کیمپس سانگے اراضی ڈیونڑ دا اعلان وی کیتا۔انہاں آکھیا جو اساڈی حکومت صحت دے شعبے اچ ایں سال دے بجٹ اچ277ارب روپے رکھین اتے 45ارب روپے دی لاگت نال صوبے اچ شعبہ صحت نویں منصوبیاں تے کم جاری اے جئیں اچ بہاولنگر، سیالکوٹ، میانوالی، اٹک، راجن پور، لیہ اتے مظفرگڑھ اچ مدر اینڈ چائلڈ ہسپتال بنڑائے ویسن ۔

Similar Posts

Leave a Reply

Your email address will not be published. Required fields are marked *