کراچی دءِ شہریاں نے عوامی اجتماعات دے پابندی دا حکم ہوا ءچ اُݙا ݙیتا
کراچی ۔ کورونا وائرس دے پیش نظر عوامی اجتماعات تے پابندی دے باوجود شہار ءچ لگݨ والے اتوار بازار جاری، پولیس نے کجھ بازار بند کروا ݙیتے لیکن شہار ءچ ھݨ وی کافی جاء تے بازار کھلے ھن ، تفصیل دے مطابق صوبہ سندھ دے دارالحکومت کراچی ءچ کمشنر کراچی دے احکام دی کھلم کھلا خلاف ورزی جاری ھِ ضلع وسطی ءچ ناݨ آباد سمیت شہار دے مختلف جاہواں تے اتوار بازار لا ݙیتے گئے ۔ کمشنر کراچی دے نوٹی فیکیشن دے مطابق عوامی جگہواں تے اجتماعات تے بازاراں دے این او سی معطل کر ݙیتے گئے ھن ایندے باوجود شہار ءچ اتوار بازار کھلے ہوئے ھن کورونا وائرس دے کھینڈن دی وجہہ توں ہٹکا گئیا ھا ایندے باوجود انتظامیہ تے پولیس خاموش تماشائی ھِ بازار ءچ لوگاں دا رش ھِ تے لوگ خریداری ءچ مصروف ھن ضلع دے وسطی ءچ سخی حسن تے یوپی موڑ نارتھ کراچی ءچ اتوار بازار کھلے ھن سرجانی ءچ اتوار بازار بند کروا ݙیتا گئے پولیس نے کجھ بازاراں دی انتظامیہ کوں بند کرݨ دی ھدایت کیتی ھِ جئیں تے کجھ دکانداراں احتجاج وی کیتا ھِ اتوار بازار ءچ سٹالاں تے چیزاں ویچݨ والی عورتاں اپیل کیتی ھِ کہ حکومت پابندی چاوے یا ایندا متبادل روزگار ݙیووے ، ھک عورت دا آکھݨ ھا کہ ایتھاں سٹال نہ لاوں تے کیا کرو واحد انہاں دی آمدن دا ایہو ذریعہ ھِ ، بازار بند تھیوݨ نال فاقہ کشی دا شکار تھئی ویسوں ، حکومت یومیہ مزدوری کرݨ والی مجبور تے غریب عورتاں کیتے امداد دا انتظام کرے۔
