مخبر دی اطلاع تے تھانڑاں صدر دی کارروائی، ملزم ناجائز اسلحہ سمیت گرفتار
خان پور (سرائیکی نیوز ۔ ذیشان انور ) خان پور مخبر دی اطلاع تے تھانڑاں صدر پولیس دے اے ایس آئی ہدایت اللہ چانڈیہ نے دیگر کانسٹیبلاں دے نال ٹھل لعلو والا اچ کارروائی کریندے ہووے ملزم مقبول احمد ناجائزہ اسلحہ تے گولیاں سمیت گرفتار کر گھیدا۔ ایں حالے نال ایس ایچ او چوہدری رمضان نے صحافیاں نال گالھ مہاڑ کریندے ہووئے ݙسایا کہ ملزم مقبول احمد توں ھک موزر تریھ بور، ھک پسٹل تریھ بور تے پنجھ راونڈر برآمد کیتے ھن جیندے خلاف مقدمہ درج کر گھیدا گئیا ھِ ملزم توں مزید تفتیش جاری ھِ انہاں دا آکھن ھِ کہ تھانڑاں صدر دے تمام علاقیاں اچ اسلحہ سمیت منشیات فروشی تے جرائم پیشہ بندیاں دے خلاف ہر روز کارروای جاری رکھی ہوئی ھِ انہاں نے علاقہ مکیناں کوں اپنڑیں ارد گرد دے ماحول تے نظر رکھن تے مشتبہ بندیاں دی نشاندہی کرن دا آکھیا تاکہ ایہو جئے لوگاں کوں گرفتار کیتا ونجے۔
