کوٹ سمابہ پنچائیت دی ١٣ سالی بالڑی کوں ونی کرݨ دی کوشش پولیس نے ناکام بنڑاں ݙیتی

خان پور (سرائیکی نیوز ۔ ذیشان انور) خان پور تھانڑاں کوٹ سمابہ پولیس نے ١٣ سالہ کمسن بالڑی کوں ونی کرݨ دی کوشش ناکام بنڑاں ݙیتی ، ١٤ سالہ بال دے نال ونی کیتی ونجن دی اطلاع تے ١٣ سالہ بالڑی کوں بازیاب کروا تے ملزمان دے خلاف ایف آئی آر درج،  پسند دی شادی دے بدلے پنچائت نے ١٣ سالہ بالڑی کوں ١٤ سالہ بال دے نال ونی کر ݙیتا، کوٹ سمابہ غلام اکبر نے اپنڑی کم عمر بھینڑ روزینہ مائی دا نکاح کم احسان عرف بڑو نال کروا ݙیتا رخصتی وی کر ݙیتی پولیس نے بروقت کارروائی کر تے بالڑی کوں بازیاب کروا گھیدا ۔  کوٹ سمابہ ملزم اکبر نے مسمات کوثر بی بی دے نال نکاح کیتا ھا مسمات کوثر دے والدین نے ملزم غلام اکبر دے خلاف ایف آئی آر درج کرائی ھائی جیندے بدلے اکبر نے اپنڑیں کم عمر بھینڑ دا نکاح کر تے ونی کر ݙیتا اے نکاح پنچائیت دے فیصلے تے تھیا گئیا ، جو بالڑی دا زبردستی نکاح ھا ، جیندے تے پسلیس نے چھاپہ مار تے ملزمان تے نکاح خواں کوں گرفتار کر گھیدا تے بالڑی کوں بازیاب کر تے ایف آئی آر درج کر گھیدی۔

 

Similar Posts

Leave a Reply

Your email address will not be published. Required fields are marked *