٤٠ گھنٹے دے طویل انتظار دے بعد ریلوے ٹریک بحال

خان پور (سرائیکی نیوز۔ ذیشان انور ) 40 گھنٹے گزرن دے بعد ریلوے ٹریک بحال کر ݙیتا گئیا، تفصیل دے مطابق خان پور دے اسٹیشناں تے مختلف ٹریناں روک ڈیتیاں گئیاں ھن جنہاں اچ مسافر خوار تھیندے پئے ھن ، بدہ دی رات ترنڈہ سوائے خان دے قریب کراچی توں لاہور ونجن والی مال گاڈی پٹری توں لاھاوݨ دی وجہہ توں ڈوھیں اطراف 200 میٹر توں ودھ ٹریک خراب تھئیا گئیا ھا جیندی بحالی واسطے رات ڈینھ کم کر تے ٹریک کوں آمدورفت دے قابل بنڑاں ڈیتا گئیا۔ واضح رھاوے کہ ریلوے ٹریک دی ناقص صورت دی وجہہ توں اے ڈوجہی واری معاملہ سامنڑیں آئے پہلے وی گڈی پھاٹک دے نال خان پور پٹریاں توں لہہ گئی ھائی۔

Similar Posts

Leave a Reply

Your email address will not be published. Required fields are marked *