گھٹ وسائل دے نال پورے شہار اچ صفائی دے معاملات بہتر رکھن ھک چیلنج ھا، میاں شہزاد انور
خان پور (سرائیکی نیوز۔ذیشان انور) چیئرمین میونسپل کمیٹی میاں شہزاد انوار دا کونسلرز چوھدری ارسلان افتخار ، احسن اقبال ، عیسی خان پلہوڑہ، راو اشرف دے علاوہ سینیٹری انسپکٹرز ملک اسحاق ، یونس مسیح ، ارشاد دے نال ناز شنیما روڈ گولڈن سنیما روڈ ، سیکٹر ڈی تے سی ، غریب آباد تے دیگر علاقیاں دا وزٹ کیتا ، انہاں علاقیاں اچ سیوریج تے صفائی دے معاملات چیک کیتے ایں موقع تے صحافیاں نال گالھ مہاڑ کریندے ہووے میاں شہزاد انور نے آکھیا کہ کم وسائل دے نال پورے شہار اچ صفائی دے معاملات بہترین رکھن بلا شبہ کہیں چیلنج توں گھٹ کینی لیکن الحمداللہ میونسپل کمیٹی دے محنتی عملے دے نال مل تے ڈینھ رات کم کیتا ھِ جیندے بعد اج پورے شہار اچ سیوریج دے مسائل دے کافی حد تک قابو پا چکے ھیں انہاں نے مزید آکھیا کہ شہار اچ جاری ترقیاتی منصوبیاں اچ کہیں کوں وی کرپشن تے ناقص میٹریل دی اجازت ہرگز نا ڈیتی ویسی۔ ٹھیکیداراں کوں ایں حوالے نال خصوصی ہدایات ڈے ڈیتی گئی ھِ انہاں نے آکھیا کہ عوامی خدمات کوں اپنڑاں منشور بنڑایا ھِ تے انشااللہ عوام کوں زیادہ توں زیادہ ریلیف مہیا کریسوں۔
