ݙیرہ غازیخان تیز رفتار کوچ نے8 بندیاں کچل ݙیتا 3 موقع تے جاں بحق

ڈیرہ غازی خان (سرائیکی نیوز۔ ڈسٹرکٹ رپورٹر ۔نعیم اختر تونسوی) ݙیرہ غازیخان تیز رفتار کوچ نے8 بندیاں کچل ݙیتا 3 موقع تے جاں بحق، تفصیل دے مطابق قصبہ مانہ احمدانی دے نیڑے کراچی توں آوݨ آلی تیز رفتار کوچ نے اٹھ جواناں کوں کچل  ݙیتا ، جیندے اچ تریھ موقعے تے جاں بحق تھئی باقیاں کوں شدید زخمی حالت اچ مقامی ہسپتال منتقل کر ݙیتا گئے، اہلیان علاقے نے احتجاج کریندے ہووے آکھیا کہ آئے روز تیز رفتاری دی وجہہ توں معصوم روزگار تے نکلے لوگ مردے رھاندن حکومت کیوں شہری آبادی توں لگھن والی ھائی ویز تے اقدامات نی کریندی،  انہاں آکھیا کہ علاقے توں لگھن والی روڈ کوں ون وے پتہ نی کئیں ویلے کیتا ویسی ھن تک بہوں جاناں ضائع تھئی چکیاں ھن، واضح رھاوے کہ ون وے روڈ دے منظوری کافی پہلے مل چکی ھِ لیکن ھن تک ایں پراجیکٹ تے نا کہیں کم کتیے نا توجہ ڈیتی ھِ بس کاغذی طور تے ون وے روڈ فنڈ مل گئے تے کم شروع تھئی گئے علاقہ مکین نے مطالبہ کیتا کہ جئیں ویلے تک ون وے روڈ نی بنڑدا اون ویلے تک وڈیاں کوچاں دا روٹ تبدیل کیتا ونجے۔  ہلاک تھیون والیاں دے گھر صف ماتم ویچھ گئیا ، روزی کماون دی نیت نال نکلے ٹھیلے سمیت کچلے گئے۔

 

Similar Posts

Leave a Reply

Your email address will not be published. Required fields are marked *