ایں بندے نے زینب کوں قتل کیتا سوشل میڈیا تے ہنگامیاں دے بعد اے آدمی وی میدان اچ آ گئیا

قصور (سرائیکی نیوز) قصور اچ ننھی زینب دے اغواء دے بعد زیادتی و قتل دے بعد پولیس نے خاکہ جاری کر ڈیتا لیکن اہل خانہ دی طرفوں عدم شناخت تے پولیس دی گرفتاری دی ناکامی دے بعد سوچل میڈیا صارفین نے خاکے توں مماثلنت رکھن والے شہری تے انگلیاں چاون شروع کر ڈیتیاں جو زینب دے غمزدہ والد دی گفتگو دے دوران پچھوں کھڑا ھا لیکن بالاخر خود ایں شخص نے اپنڑی خاموشی توڑ ڈیتی تے وضاحت ڈے ڈیتی۔

سوشل میڈیا صارفین تے بعض ٹی وی چینلز دی طرفوں مشکوک گردانے ونجن دے بعد اے تصویر دکھائی ونجن والے شخص نے دوستاں دی تجویز تے ھک ویڈیو پیغام ریکارڈ کیتا تے ایکوں شیئر کر ڈیتی۔

ویڈیو اچ ڈسایا کہ میڈا ناں وسیم خٹک ھِ ڈاہ سال توں پاکستان عوامی تحریک یوتھ ونگ نال وابستہ ھاں طاہر القادری دا پیروکار ھاں پچھلے چار سال توں میڈے کول ضلعی صدر دی ذمی داری ھائی لیکن ھن وی ضلع راواپلنڈی دا نائب صدر ھاں انہاں نے ڈسایا کہ منہاج القرآن سیکریٹریٹ دی طرفوں موصولہ احکامات دے تحت میں اپنڑیں ساتھیاں دے ہمران زینب دے والدین کوں گھن گئیا ھم ، اساں زینب دے والدین کوں ایئرپورٹ توں استقبال کرکے لاہور واسطے روانہ کرنا ھا ایئرپورٹ توں باہر نکلدے ھی والدین دی میڈیا ٹاک دے دوران ھک تصوری گھن گھیدی کہ زینب دے قتل دا ذمہ دار لڑکا ھِ تاں واضح کرینداں کی میڈا ایں واقعے نال کوئی تعلق کینی۔

وسیم خٹک نے آکھیا کہ ظلم دے خلاف بولن والے تے عمل کم کرن والے قائد دے کارکن ھیں جئیں نے وی اے تصویر وائرل کیتی ھِ شرم کرنی چاھیدی ھِ دیگر لوگاں ، دوستاں دی مشاورت نال اے ویڈیو ریکارڈ کیتی ھِ تے فیس بک تے شیئر کرینداں پیاں