فیض آباد دھرنے دے خلاف آپریشن توں متعلق رپورٹ سریم کورٹ اچ پیش کر ڈیتی
فیض آباد دھرنے دے خلاف آپریشن توں متعلق رپورٹ سریم کورٹ اچ پیش کر ڈیتی
کیس دی سماعت جسٹس مشیر عالم تے جسٹس قاضی فائز عیسی تے مشتمل ٢ رکنی بینج نے کیتی ، آئی جی اسلام آباد دی طرفوں جمع کرائی گئی
راوالپنڈی(سرائیکی نیوز) پولیس نے فیض آباد دھرنے دے خلاف آپریشن توں متعلق رپورٹ سریم کورٹ اچ پیش کر ڈیتی، رپورٹ اچ سیکورٹی اداریاں دے درمیان رابطے اچ فقدان ہون دی وجہہ دا وی اعتراف کر گھیدا گئیا، عدالت نے ریارکس ڈیتے ھن کہ اسلام آباد محفوظ کینی تاں باقی ملک کیویں ہوسی، جسٹس فائز عیسی نے سوال چاتا کہ اے سارا کیندا ایجنڈا ھِ کہیں نا کہیں کوں تاں عدالت کوں ڈساونڑاں ہوسی، کوئی غلط فہمی اچ نا رھاوے سرکار دا پیسہ عوام دا ھِ نتائج تے مقاصد کیتے دھرنا ڈیون لازمی تھئی گئے اسلام آباد پولیس دا فیص آباد دھرنے توں متعلق رپورٹ سپریم کورٹ اچ جمع کرا ڈیتی ، کیس دی سماعت جسٹس مشیر عالم تے جسٹس قاضی فائز عیسی تے مشتمل ٢ رکنی بینج نے کیتی ، آئی جی اسلام آباد دی طرفوں جمع کرائی گئی رپورٹ اچ ڈسایا گیا ھِ کہ مسلسل وی ڈنہیں تک تعیناتی دی وجہہ نال پولیس تھک چکی ھائی آپریشن اچ تقریباں ساڑھے پنجھ ہزار اہلکاراں نے حصہ گھیدے ، کھلی جگہ ہوون دی وجہہ توں آنسو گیس دے شیل وی اثر انداز نا تھئی سکے جبکہ پولیس دے مذہبی جذبات کوں وی ابھارا گئے۔ رپورٹ اچ ڈسایا گئے کہ آپریشن شروع تھیون توں پہلے ٨٠ فیصد علاقہ کلیر کا گھیدا گئیا ھا لیکن احتجاجی مظاہرین ڈنڈے ، پتھراں تے دیگر آلات نال لیس یھن جبکہ راوالپنڈی توں وی تازہ دم مظاہرین پھجدے ویندے ھن تے ڈنڈیاں کلہاڑیاں نال مسلح افراد وی پولیس تے حملہ کیتے ملک بھر اچ ہنکامیاں دے باعث آپریشن روکنا پئے ، شدید مزاحمت دی وجہہ توں فوج وی سڈنڑی پئی ، آپریشن دے دوران ١٧٣ پولیس اہلکار زخمی وی تھئی گئے ۔ رپورٹ اچ میڈیا تے ملبہ سٹیندے رہے موقف اختیار کیتا گئے کہ ول ول ڈیڈ لائن نشر تھیون دی وجہہ توں مظاہرین تیار ھن جبکہ پولیس ایف سی تے رینجر دی مشترکہ تعیناتی وی مسئلہ بنڑی ہوئی ھائی، چاراں صوبیاں توں فورسز وی منگوا گھیدی ھائی لیکن پولیس کوں ایہو جی مدد نی ملی جو ملنی چاھیدی ھائی مختلف سیکورٹی اداریاں اچ کوآرڈی نیشن دا فقدان ھا واضح رھاوے کہ وزیر قانون زاہد حامد دے استعفے واسطے شروع کیتا ونجن والا دھرنا اسلام آباد فیض آباد دی جگہ تے ٢١ ڈنہیں تک جاری ے سپریم کورٹ نے حساس اداریاں کوں وی دھرنے توں متعلق رپورٹ جمع کرواون دا حکم ڈیتا ھِ
