چیئرمین سینیٹ محمد صادق سنجرانی و ڈپٹی چیئرمین سینٹ مرزا محمد آفریدی دا عید الاضحی تے پیغام

اسلام آباد۔11جولائی:چیئرمین سینیٹ محمد صادق سنجرانی عیدالاضحیٰ دے موقع تے قوم تے پوری مسلم اُمہ کوں دلوں مبارخ ݙیندے ہوئیں آکھیے جو ایں مقدس اسلامی تہوار دے حقیقی درس کوں سمجھݨ دی اہمیت موجودہ دور اچ ودھ ڳئی اے ،عید الاضحی قربانی،ایثار تے احساس دے جذبے کوں ودھارا ݙیوݨ دا ناں اے ، عید الا ضحیٰ حضرت ابراہیم علیہ السلام دی اطاعت خداوندی تے حضر ت اسماعیل علیہ السلام دی تسلیم و رضا دی شاندار مثال تے یادگار اے جیں اطاعت تے قربانی دی ھک ایجھی لازوال راویت قائم کیتی جیڑھی جو قیامت تئیں جاری رہسی ۔سینٹ سیکرٹریٹ توں جاری بیان موجب انہاں آکھیے اساکوں سماجی و اقتصادی سطح تے جنہاں مسئلیں دا سامݨا اے انہاں دا مقابلہ کرݨ کیتے اساکوں آپݨیاں صفاں اچ اتحاد پیدا کرݨا ہوسی اساکوں آپݨے سارے مفادات، ترجیحات تے تعصبات کوں کنڈ پچھوں سٹ تے ملک و قوم دی ترقی و خوشحالی تے اجتماعی فلاح و بہبود کیتے رل تے کم کرݨا ہوسی ۔ ڈپٹی چیئرمین سینیٹ مرزا محمد آفریدی وی قوم کوں عید الاضحیٰ دے پر مسرت موقع تے مبارخ پیش کریندے ہوئیں آکھیے جو اللہ تبارک تعالیٰ توں دعا اے جو سارے مسلماناں دی عید الاضحی دے مقدس موقع تے ݙتی ونڄݨ آلیاں قربانیاں قبول فرماوے ۔

Similar Posts

Leave a Reply

Your email address will not be published. Required fields are marked *