صدر ڈاکٹر عارف علوی دی نجی انشورنس کمپنی کوں آُپݨے صارف کوں 21 لکھ روپے آتشزدگی انشورنس کلیم ݙیوݨ دی ہدایت
اسلام آباد۔27جون (اے پی پی) صدر ڈاکٹر عارف علوی دی نجی انشورنس کمپنی کوں آُپݨے صارف کوں 21 لکھ روپے آتشزدگی انشورنس کلیم ݙیوݨ دی ہدایت کیتی اے اتے بدانتظامی قرار ݙیندیں ہوئیں وفاقی انشورنس محتسب دے فیصلے دے خلاف ایشیا انشورنس کمپنی دی درخواست مسترد کر ݙتی اے۔ ایوان صدر دے پریس ونگ توں سنوار کوں جاری بیان موجب صدرمملکت آکھیا جو کمپنی ٻھاہ لگݨ ویلھے آتشزدگی انشورنس پالیسی دے نافذ العمل تھیوݨ کوں منیا جڈانجو کمپنی بھاہ لگݨ نال تھیوݨ آلے ضیان دا تعین کرݨ کیتے سروے رپورٹ دے نتیجے کوں وی منیے۔ صدر ڈاکٹر عارف علوی آکھیا جو شارٹ سرکٹ پاروں لگݨ آلی بھاہ نال تقریباً 21 لکھ روپے دا نقصان تھیے پر صارف کوں جائز رقم نی ݙتی ڳئی۔ صدر ڈاکٹر عارف علوی دی نجی انشورنس کمپنی کوں آُپݨے صارف کوں 21 لکھ روپے آتشزدگی انشورنس کلیم ݙیوݨ دی ہدایت کیتی اے۔
