ایران دا جوابی وار، عراق ءچ امریکی فوجی اݙیاں تے میزائل حملے
ایران نے القدس فورس دے سربراہ جنرل قاسم سلیمانی دی ھلاکت دے جواب ءچ عراق ءچ امریکا تے ایندے اتحادی فوج دے ݙو فوجی اݙیاں تے ١٥بیلسٹک میزائل مار ݙیتے
برطانوی خبر رساں ادارے رائٹرز دی رپورٹ دے مطابق تہران نے مقامی وقت دے مطابق رات ݙیڈھ وجے عراق ءچ موجود ٢ فوجی اݙیاں کوں نشانہ بنڑایا جیتھاں امریکی ، اتحادی افواج دے اھلکار رھاندے پئے ھن جیکوں مذکورہ حملے ءچ ایران نے اپنڑیں سر زمین توں ھک درجن توں ودھ میزائل فائر کیتے ۔ ایران دے سرکاری ٹیلی ویژن دی رپورٹ دے مطابق میزائل حملے ءچ ٨٠ امریکی دہشت گرد ھلاک تھئے تے کوئی میزائل روکا نی ونج سکا، سرکاری ٹی وی نے پاسداران انقلاب دے ذرائع دے حوالے نال ڈسایا کہ اگر امریکا نے جوابی کارروائی کیتی تاں ایران دی نظر خطے ءچ موجود ١٠٠ اھداف تے ھِ رپورٹ ءچ اے وی آکھا گئیا کہ امریکی ھیلی کاپٹر تے فوجی سازوسامان کوں وی سخت نقصان پھجا ھِ
واضح رھاوے کہ ١٩٧٩ء ءچ تہران ءچ موجود امریکی سفارت خانے دا محاصرہ کرݨ دے عبد توں ھن تک اے ایران دا امریکا دیخلاف سبھ توں وݙا براہ راست حملہ ھِ ݙوجہے پاسے امریکی تے عراقی حکام نے آکھیا ھِ کہ عمارتاں دی تلاشی جاری ھِ تاہم ھݨ تک کہیں قسم دے جانی نقصان دی اطلاع نی ملی ، ایران دے سرکاری ٹیلی ویژن دے مطابق ایران دے اسلامی پاسداران انقلاب نے قاسم سلیمانی دی ھلاکت دے جواب ءچ راکٹ فائر کرݨ دی تصدیق کر ݙیتی ، بیان ءچ امریکا کوں مزید اموات توں بچݨ کیتے خطے ءچ اپنڑیں فوج اہلکار واپس سݙواوݨ دا مشورہ وی ݙیتا تے امریکی اتحادیاں بشمول اسرائیل کوں خبردار کیتا کہ حملیا کیتے اپنڑی سر زمین نہ استعمال تھیوݨ ݙیون، ݙوجہے پاسے امریکی محکمہ دفاع پینٹاگون دی طرفوں ایرانی حملے نال تھیوݨ والی ھلاکتاں دی تعداد نی ݙیتی گئی۔
پینٹاگون دے ترجمان نے ݙسایا کہ عراق ءچ الاسد فضائی اݙے تے اربیل ءچ ھک بئے اݙے کوں نشانہ بنڑایا گئیا ھِ اساں لڑائی نال تھیوݨ والے نقصانات دے ابتدائی جائزے تے کم کریندے پئے ھیں بیان ءچ آکھا غیا کہ جیویں ھی صورتحال تے اپنڑیں رد عمل دا اندازہ لا گھینسوں خطے ءچ موجود اہلکاراں اتحادیاں تے شراکت داراں دے دفاع تے حفاظت کیتے تمام تر ضروری اقدام کریسوں۔
