آرمی چیف دی مدت ملازمت طے کرݨ کیتے پارلیمنٹ ءچ قانون سازی دا عمل شروع کر ݙیتا
اسلام آباد ( سرائیکی نیوز ) وفاقی حکومت نے ھک پاسے سپریم کورٹ آف پاکستان دے حکم دی روشنی ءچ آرمی چیف دی مدت ملازمت طے کرݨ کیتے پارلیمنٹ ءچ قانون سازی دا عمل شروع کر ݙیتا ھِ وزیر قانون فروغ نسیم نے میڈیا نال گالھ مہاڑ ءچ ݙسایا کہ ایں سلسلے ءچ وفاقی حکومت سپریم کورٹ ءچ دائر ریونیوپٹیشن واپس گھنݨ دا کوئی ارادہ نی رکھیندی باوجود ایندے کہ پاکستانی آرمی ترامیم ایکٹ ٢٠٢٠ پارلیمنٹ ءچ منظور کر گھیدا گئیا ھِ تاہم انہاں دا آکھݨ ھا کہ ایں ریویوپٹیشن دے نال ملحقہ دیگر درخواستیں واپس گھیدیاں ونج سکدیاں ھن ، فروغ نسیم دے بیان دے بعد ویاسی تے قانونی حلقیان ءچ ھک نویں بحث چھڑ گئی ھِ کہ بل دی منظوری دے بعد ایں ریویو پٹیشن دا کیا تھیسی ، جبکہ کجھ قانون داناں دا آکھݨ ھِ کہ ترمیمی بل دی منظوری دے بعد ریویو پٹیشن کود بخود غیر موثر تھئی ویسی کیونکہ عدالتی احکام دی روشنی ءچ حکومت قانونی عمل پورا کر گھینسی۔
