ایف اے ٹی ایف دی شرطاں تے پورا لہاوݨ کیتے اہم بل قومی اسمبلی ءچ منظور

اسلام آباد (سرائیکی نیوز) قومی اسمبلی نے فنانشل ایکشن ٹاسک فورس ( ایف اے ٹی اے ) دی شرطاں تے پورا لہاوݨ کیتے دیگر ملکاں دے نال معلومات تے مجرمان دے تبادلے دا اہم ترین بل منظور کر گھیدا، اخبار دی رپورٹ دے مطابق اپوزیشن جماعتاں نے شروعات ءچ اسپیکر اسد قیصر دی طرفوں وزیر پارلیمانی امور دے بل کوں پیش کرݨ دے زبانہ ووٹ گھنݨ دی رولنگ کوں چیلنج کر تے بل دی منظوری کو روکݨ دی کوشش کیتی لیکن انہاں کوں ٨٧ دے مقابلہ ٨٣ ووٹاں توں شکست دا سامنڑاں کرنا پیا جیندے بعد بل ءچ ٤ معمولی ترامیم کیتیاں گئیاں جیندے ءچ ٢ کوں بل ءچ شامل وی کر ݙیتا گئیا اجلاس ءچ وزیر میوچوئل لیگ اسٹنس (مجرمانہ معاملات) بل ٢٠١٩ پیش کرݨ فلور تے آئے پاکستان پیپلز پارٹی (پی پی پی ) دے رھنما سید نوید قمر نے بل کوں پاکستانی شہریاں دے بنیادی حقوق دی خلاف ورزی قرار ݙیندے ہووے دعوی کیتا کہ ایندے نال حکومت دیگر ممالک نال معلومات حاصل تے انہاں دے مطالبے تے اپنڑیں شہریاں کوں بغیر کوئے معاھدے کیتے انہاں دے حوالے کریسی۔ نوید قمر دا مزید دا آکھݨ ھا کہ دیگر ممالک پاکستانی حکومت دی طرفوں مطلوبہ ملزمان دے حوالے نال درخواست تے عمل نی کریندے کیوں کہ اے تاثر موجود ھِ کہ پاکستان ءچ مقدمات سیاسی بنیاداں تے بنڑائے ویندے پئے ھن ۔ انہاں دا مزید آکھݨ ھا کہ اے بل وفاقی سیکریٹری داخلہ کوں کہیں وی شہری دے غیر ملکی بینک اکاونٹاں تے ٹرازیکشن دی معلومات حاصل کرݨ دے بے پناہ اختیار ݙیسی۔ ایں ضمن ءچ پاکستان مسلم لیگ (ن) دے پارلیمانی رہنما دا نقطہ نظر اے ھا کہ این بل دی منظوری ملکی سالمیت تے سمجھوتہ ہوسی۔ انہاں الزام عائد کیتا کہ بین الاقوامی مالیاتی ادارے پاکستان وانگوں ملکاں کوں کالونیز بنڑاوݨ دی کوشش کریندے پئے ھن جو انہاں تے معاشی انحصار کریندے ھن بل دی مخالفت کریندے ہوون انہاں دا آکھݨ ھا کہیں دی ݙیڈ لائن کوں پورا کرݨ کیتے جلدی نہ کیتی ونجے بلکہ پہلے ایں معاملے تے گالھ مہاڑ کرن۔

Similar Posts

Leave a Reply

Your email address will not be published. Required fields are marked *