ہوواوے دی چینی حکومت توں مالی معاونت گھنݨ دے الزام دی تردید
ہوواوے کوں چین دی حکومت دی طرفوں ٧٥ ارب ڈالر دی مالی معاونت فراہم کیتی گئی جئیں نال کمپنی کون کھلے دل نال سرمایہ کاری کرݨ ءچ مدد مل سکدی، اے دعوی امریکی جریدے وال اسٹریٹ جنرل نے اپنڑیں ھک رپورٹ ءچ عوامی طور تے دستیاب ریکارڈ دے حوالے نال کیتا جبکہ ہواوے نے ایندی تردید جاری کیتی ھِ رپورٹ دے مطابق ہواوے کوں ریاستی کنٹرول لینڈرز دی طرفوں ٤٦ ارب ڈالر قرضیاں تے لائن آف کریڈٹ دی مد ءچ جبکہ ١ اعشاریہ ٦ ڈالر دی گرانٹ وی ݙیتی گئی ایں طرح ہواوے کوں ٢٠٠٨ توں ٢٠١٨ دے دوران ٹیکساں دی مد ءچ ٢٥ ارب ڈالراں دی چھوٹ ݙیتی گئی جو کہ چین دے ٹیکنالوجی کمپنیا کو ݙیتی ونجن والی مراعات دا حصہ ھا تے ٢ ارب ڈالرز زمیناں دی خریداری کیتے ملے۔ ݙوجہے پاسے ہواوے نے ایں مضمون تے مختلف ٹوئٹس تے ھک طویل بیان تے رد عمل ظاہر کریندے ہووے ایندی سختی نال تردید کیتی ھِ
کمپنی دا آکھݨ ھا کہ ھک واری ول وال اسٹریٹ جرنل نے غلط معلومات تے ہواوے دے بارے ءچ جھوٹا مضمون شائع کیتا ایں واری کمپنی دے سرمائے دے بارے ءچ الزامات عائد کریندے ہووے ریسرچ اینڈ ڈویلپمنٹ کیتے ٣٠ سال دی سرمایہ کاری کوں نظر انداز کر ݙیتا گئیا جیندا مقصد ٹیکنالوجی انڈسٹری ءچ تنوع تے بہتری گھن آوݨ ھِ
چینی کمپنی نے آکھیا ایندے بعد امریکی جریدے دے خلاف قانونی کارروائی دا حق موجود ھِ جو متعدد غیر ذمہ دارانہ مضامین شائع کر چکا ھِ
ہواوے نے زور ݙیتا کہ ایندی ریسرچ تے ݙویلپمنٹ تے سرمایہ کاری ایں دی کامیابی دی وجہہ ھِ گزرن ٣٠ سال دے دوران آمدنی دا ١٠ توں ١٥ فیصد حصہ نویں ٹیکنالوجیز تے مصنوعات دی تیاری تے لایا گئیئے ، کمپنی نے ایں گالھ دی وی تردید کیتی ھِ کے ایندے نال چینی حکومت دی طرفوں خصوصی سلوک کیتا ویندا ھِ وال اسٹریٹ جنرل نے اپنڑیں رپورٹ ءچ اے وی ݙسایا کہ بیشتر حکومتاں اپنڑیں وڈی کمپنیاں دی مدد کریندیاں ھن مثال دے طور تے بوئنگ کوں امریکی حکومت دی طرفوں اکثر مالی معاونت فراہم کیتی ویندی ھِ ۔ خیال رھاوےکہ امریکی حکومت دی طرفوں ہواوے کوں بلیک لسٹ کریندے ہووے جواز پیش کیتا گئیا ھا کہ او چینی حکومت دے نیڑے ھِ ایندے کیتے جاسوسی کریندی ھِ لیکن کمپنی دی طرفوں متعدد واری ایندی تردید کیتی گئی
