پنجاب ڊیاں کمپنیاں توں تمام سیاسی بندیاں کوں چلڊا کرݨ دا حکم

لاہور(سرائیکی نیوز۔عمران علی) پنجاب دی نگران حکومت نے ٥٦ کمپنیاں ، اتھارٹیاں ، محکمیاں تے دیگر ذیلی اداریاں توں سارے سیاسی بندیاں کوں ٢ گھنٹیاں ءچ فارغ کرݨ دا حکم ݙے ݙیتا۔ ایس اینڈ جی اے ڈی کیبنٹ ڈویژن دا نوٹی فکیشن جاری کر ݙیتا گئیا۔ نوٹی فیکیش دے مطابق پنجاب دے تمام پبلک سیکٹر کمپنیز دے بورڈ آف ڈائریکٹرز کمیٹیاں تے انہاں دے نال نال ذیلی اداریاں توں تمام سابق ممبران اسمبلی چاہے او کمپنیاں دے چیئرمین ھن یا بورڈ آف ڈائریکٹرز دے مبمر ھن یا کہیں وی ہائیرنگ کمیٹی ءچ شامل ھن انہاں کوں فوری طور تے معطل کرݨ دا حکم ݙے ݙیتا گئیا ھِ نوٹی فکیشن ءچ واضح طور تے ہدایات ݙیتی گئی ھن کہ سابق ارکان صوبائی تے قومی اسمبلی جو کہ ممبر یا کہیں وی عہدے تے تعینات رہے ھن او کمپنیاں ءچ کہیں قسم دی سیاسی مداخلت نا کریسن۔ ایندے حوالے نال نگران وزیر اعلی پنجاب دے حکم تے تمام سیکرٹریز ، کمشنرز ، ڈپٹی کمشنرز ، کمپنیاں دے چیف ایگزیکٹیو آفیسرز سمیت تمام بندیاں کوں اں حوالے نال مراسلہ بھیجوا ݙیتا گئیا ۔ چائلد پروٹیکشن بیورو دی چیئرپرسن صبا صادق سمت تمام بندیاں کوں وی عہدیاں توں فارغ کیتا ویسی۔

Similar Posts

Leave a Reply

Your email address will not be published. Required fields are marked *