تحفظات حل نا تھئے تاں الیکشن دا بائی کاٹ کر سکدے ھیں، فاروق ستار

کراچی(سرائیکی نیوز۔ جلیل احمد) ایم کیو ایم پاکستان دے رہنما ڈاکٹر فاروق ستار نے آکھیا ھِ کہ الیکشن کمیشن نے حلقہ بندیاں تے احتجاج تے کان نی دھرا تے ایم کیو ایم دے دفاتر وی ھن تک واپس نی ملے اگر تحفظات حل نا تھئے تاں ایم کیو ایم الیکشن دے بائیکاٹ دا اعلان کر سکدی ھِ کراچی پریس نال گالھ مہاڑ کریندے ہووے ڈاکٹر فاروق ستار نے آکھیا کہ ووٹر دی کامیابی ھِ کہ اساں کوں اے نشان مل گئے میڈے ساتھ ، دوست ساریاں دا نشان پتنگ دا ھِ اساں کہیں تعصب ءچ نہیں ونجن چاھندے ، عوام چاھندی ھِ کہ رابطہ کمیٹی مل تے جلسی کرے لیکن ایم کیو ایم دا ڈوجہا گروپ الیکشن ءچ سنجیدگی نی گھیندا پیا۔ انہاں آکھیا کہ ایم کیو ایم دا مینڈیت گھن تے کہیں بئے کوں ڈیتا ویندا پیا ھِ اساں کوں مائنس کیتا نی ویندا پیا بلکہ کر ݙیتا گئیا ھِ الیکشن اساݙی بقاء دی ضمانت نی ݙے سکدا جو زیادتیاں اساݙے نال تھئیاں او ساریاں دے سامنڑیں ھن۔ ایم کیو ایم رہنما دا آکھن ھا کہ اساں الگ صوبے دا مطالبہ کریندے رھاسوں ، ٢ نی سو توں ودھ انتظامی یونٹ بنڑݨ دی لوڑ ھِ اساں کوں الگ صوبے دی گالھ تے لعنتاں سنڑیاں پئیاں ھن ایم کیو ایم دا ہر ساتھی الگ صوبے دا خواہاں ھِ جئیں ویلے سب الگ صوبہ چاھندے ھن تاں ول سب کوں اپنڑیں حقوق دی کیتے لڑنا ہوسی۔

انہاں دا آکھن ھا کہ مردم شماری درست نی تھئی اساڑے نال الیکشن توںپہلے زیادتی تھیندی پئی ھِ ایم کیو ایم دے دفاتر ھن تک واپس نی ملے ایم کیو ایم دے کول جگہ کینی ، تحفظات حل نا تھئے تاں ایم کیو ایم الیکشن دے بائیکاٹ دا اعلان کر سکدی ھِ

Similar Posts

Leave a Reply

Your email address will not be published. Required fields are marked *