لال شہباز قلندر عرس، شدید گرمی نال ݙو روز ءچ ٩ زائرین جاں بحق
سیہون(سرائیکی نیوز۔مجید احمد) حضرت لال شہباز قلندر دے سالانہ عرس دے دوران ݙو روز ءچ شدید گرمی دی وجہہ توں ٩ افراد جاں بحق تھئی گئے سندھ ءچ شید گرمی دا سلسلہ جاری ھِ گزشتہ تریھ روز دے دوران کراچی سمیت سندھ دے مختلف علاقیاں ءچ شدید گرمی دی لہر ݙیکھن ءچ آئی جیندی وجہہ توں حضرت لال شہباز قلدنر دے سالانہ عرس دے دوران جاں بحق تھیون والیاں دی تعداد ٩ تھئی گئی، حضرت لال شہباز قلندر دے سالانہ عرس دا ݙوہا ݙینھ ھا، جاری حضرت لال شہباز قلندر دے عرس ءچ ھن تک ٩ بندے جاں بحق تھئے ٣ لاوارث لاشاں کوں مقامی قبرستان ءچ سپرد خاک کیتا گئیا ھِ جبکہ جاں بحق تھیوݨ والے ٦ دیگر بندیاں دا تعلق ملتان فیصل آباد جھنگ وہاڑی بہاولپور تے سمندری نال ھِ
