ٹریفک سگنلز تے بھیک منگن والیاں دے خلاف ایکشن

ٹریفک سگنلز تے بھیک منگن والیاں دے خلاف ایکشن

ٹریفک سگنلز تے بھیک منگن والے ٣٠٠ توں ودھ بندے پولیس نے پکڑ گھیدے ، انہاں دی وجہہ توں ٹریفک دی روانگی متاثر تھیندی پئی ھائی ، سی ٹی او

لاہور(سرائیکی نیوز) چیف ٹریفک افیسر لاہور نے آکھے کہ ٹریفک سگنلز کوں بھیک منگن دی لعنت توں پاک کرن واسطے چوک ، چوراھواں اچ ٹریفک دی روانی کوں بغیر کہیں رکاوٹ دے جاری رکھن واسطے عادی فقیراں تے بھیک منگن والیاں دے خلاف گرینڈ آپریشن شروع کر ڈیتا ایں سلسلے اچ ھک ٹریفک ریسپانس یونٹ وی قائم کیتا گئیا جو شہر بھر دی اہم تے مصروف سڑکاں تے ایہو جئے افراد دے خلاف کارروائی کریندے ہووے ھک ماہ دے اچ ٣٠٠ توں ودھ بندیاں کوں پکڑ تے مقامی پولیس دے حوالے کر ڈیتا انہاں دے خلاف مقدمات درج کروائے گئے ٢٠ توں زائد بالاں کوں پکڑ تے چائلڈ پروٹیکشن یونٹ دے حوالے کر ڈیتا گئیا تاکہ او انہاں دے والدین کوں سڈھ تے  انہاں دی اصلاح کرن، رائے اعجاز احمد نے شہریاں توں اپیل کیتی کہ او فقیری دی لعنت توں پاک معاشرے واسطے سٹی ٹریفک پولیس دے نال تھیون تے ٹریفک سگنلز تے ایہو جئے افراد کوں بھیک نا ڈیون تے انہاں دی ہر لحاظ نال حوصلہ شکنی کیتی ونجے ۔ ایں نال نا صرف معاشرے اچ بہتری آسی بلکہ چوکاں چوراہواں تے بغیر تعطل دے ٹریفک دی روانی برقرار رھاسی۔

 

Similar Posts

Leave a Reply

Your email address will not be published. Required fields are marked *