پاکستان ایں ویلے ترقی کریسی جئیں ویلے سندھ، خیبرپختونخواہ تے بلوچستان ھیکو رفتار نال اگوں ودھس، شہباز شریف
کراچی (سرائیکی نیوز۔جلیل احمد لاشاری) وزیر اعلی پنجاب شہباز شریف دا آکھݨ ھا کہ پنجاب سپیڈ کوں پاکستان دی سپیڈ آکھیندا ھاں ملک ایں ویلے ترقی کریسی جئیں ویلے سندھ ، خیبر پختونخواہ تے بلوچستان یکساں رفتار دے نال اگوں ودھسن اساں سبھ نے پاکستان کیتے سوچنڑاں ھِ پاکستان کیتے ھی محنت کرنی ھِ گورنر ہاوس سندھ ءچ صنعتکاراں تے سفارتکاراں نال ملاقات ءچ وزیر اعلی پنجاب د اآکھن ھا کہ سرمایہ کار پاکستان دے عظیم سفیر ھن کراچی پاکستان دا معاشی حب ھِ ستر دی دہائی تک پاکستان معاشی طور تے مضبوط ھا ، جئیں طرح پنجاب ءچ شفافیت دے نال وسائل عوام دے منصوبیاں تے خرچ کیتے گئے ھن ایں طرح کراچی تے سندھ ءچ وی ہوندا تاں اج سندھ دے شہاراں دی اے حالت نا ہوندی ، شہباز شریف دا آکھن ھا کہ میں ایتھاں پاکستان دی گالھ کرݨ آیا ھاں تے پاکستان دی گالھ تم اور مین دے تحت نی تھیندی بلکہ پاکستان دی گالھ کیتے اساں (ہم) دے رستے تے ٹرنا ہوسی۔ وزیر اعلی دا آکھن ھا کہ پنجاب ءچ اساݙی حکومت نے اپنڑیں وسائل نال ترقیاتی منصوبے مکمل کیتے گئے ھن بدقسمتی نال کراچی تے سندھ دے دیگر علاقیاں ءچ وسائل خرچ نی کیتے گئے ایتھاں ٹرانسپورٹ ، سالڈویسٹ ، انفراسٹرکچر تے دیگر سہولتاں کوں انتہائی معیاری تے جدید ہونڑاں چاھیدا ھا ۔ تقریب ءچ موجود شرکاء دا آکھن ھا کہ جئیں طرح پنجاب اگوں ودھیا ھِ اساں چاھندے ھیں کہ کراچی سمیت سندھ وی ترقی رکے ، کراچی سمیت سندھ کوں آپ دی پنجاب سپیڈ دی ضرورت ھِ
