کُوار ڊے گھر والیاں نے گھوٹ کوں اغواء کر گھیدا
پاک پتن(سرائیکی نیوز) محبت دی شادی کرݨ تے کُوار دے گھر والیاں نے گھوٹ کوں مارݨ دی نیت نال اغواء کر گھیدا زنجیراں اچ بدھ تے مویشیاں دے نال بدھ تے تشدد تے طلاق ݙیون تے زور ݙیندے رہے پولیس تھانڑاں قبولیہ نے کورروائی کر تے گھوٹ کوں بازیاب کروا گھیدا، مقامی اخبار دے مطابق نواحی قصبے قبولہ دے علاقہ فرید شاہ دے رھائشی بندے محمد خان نے ڈھپئی دے علاقے دی رہائشی مئی امانت بی بی نال لو میرج کیتی ھائی جئیں تے امانت بی بی دے بھیرا ذاکر نے اپنڑیں ٦ ساتھیاں دے نال محمد خان دے گھر توں محمد خان کوں ہیلے بھانے نال اپنڑیں نال باہر گھن تے اغواء کر گھیدا، جیندے بعد ملزمان محمد خان کوں تھانڑاں شبھور دے علاقے ءچ گھن گئے جیتھاں محمد خان کوں زنجیراں اچ جکڑ تے مویشیاں دے نال بدھ تے تشدد دا نشان بنڑایا تے طلاق ڈیون دا مطالبہ کیتا ، طلاق نا ڈیون تے قتل دی دھمکیاں ݙیتیاں جئیں تے محمد خان دی والدہ منیراں بی بی نے تھانڑاں قبولہ ءچ اپنڑیں پتر دے اغواء دا مقدمہ درج کروا ݙیتا۔ پولیس تھانڑاں قبولہ نے انویسٹی گیشن انچارج محمد وقاص دی سربراھی اچ تھانڑاں شبھور دے علاقے ءچ چھاپہ مار تے نوجوان کوں چھڑوا گھیدا ۔ پولیس ٹیم دے چھاپے تے ملزمان نے نوجوان کوں مویشیاں دے نال زنجیراں دے نال بدھ رکھا ھا پولیس نے مزید تفتیش شروع کر ݙیتی۔
