صاف پانڑیں کمپنی کرپشن کیس، ٤ اعلی افسران گرفتار
لاہور ، ١٨اپریل(سرائیکی نیوز) نیب لاہور نے گزشتہ روز صاف پانڑیں دی کمپنی کرپشن کیس ءچ کروڑاں روپے دے مالی بے ضابطگیاں دے الزام ءچ افسران ناصر قادر بھدل ، داکٹر ظہیر الدین ، محمد سلیم تے محمد مسعود اختر کوں گرفتار کر گھیدا جبکہ نیب نے احد چیمہ دے خلاف لیپ ٹاپ اسکیم ءچ خرد برد دی تحقیقات وی شروع کر ݙیتی ۔
ناصر قادر بھدل صاف پانڑی کمپنی ءچ چیف پروکیور منٹ آفیسر ، ڈاکٹر ظہیر الدین چیف ٹیکنیکل افیسر ھن ، کنسلٹنٹ انجینئر محمد سلیم اختر صاف پانڑیں کمپنی دے نال بطور پروکیورمنٹ و کنٹریکٹ سپیشلسٹ تے محمد مسعود اختر مینیجنگ ڈائریکٹر کے ایس بی پمپس بطور کنٹریکٹر منسلک رہے ۔ نیب دے مطابق ملزمان دی ملی بھگت نال حکومتی خزانے کوں کروڑاں روپے دا نقصان پھجا
ملزمان نے بہاول پور ریجن ءچ انتہائی مہہنگی قیمت تے ١١٦ واٹر فلٹریشن پلانٹس نصب کیتے ۔ دستاویزات ءچ قیمتاں دا غلط تعین و اندراج کیتا گئیا ۔ نیب ذرائع نے ڈسایا کہ تمام ملزمان کوں الزامات دے دفاع دا مکمل موقع ݙیتا گئیا لیکن انہاں اپنڑیں دفاع ءچ کوئی تھوس شواہد پیش نی کیتے ۔ ملزمان دی گرفتاری اہم شواہد دی بنیاد تے عمل ءچ گھن تے آئی گئی نیب حکام چاران گرفتار ملزمان کوں جسمانی ریمانڈ دے حصول کیتے اج احتساب عدالت دے رو بروز پیش کریسن۔ دوران ریمانڈ تحقیقات کوں اگوں ودھاوݨ ءچ مدد ملسی۔
