کراچی، سب ݙویژن کورنڳی مہران ٹاون تے قائم ناجائز تجاوزات دیخلاف گرینڈ آپریشن

کراچی ، ١٨ اپریل (سرائیکی نیوز) کراچی ڈپٹی کمشنر کورنگی عبدالواجد شیخ دی ہدایت تے سب ڈویژن کورنگی مہران ٹاون تے قائم ناجائز تجاوزات دیخلاف گرینڈ اپریشن، تفصیل دے مطابق واٹر بورڈ دی مین سیوریج لائن تے قائم غیر قانونی تجاوزات ، دکان تے تقریباں ١٠٠ توں ودھ گھراں کوں مسمار کر ݙیتا گئیا ، کورنگی مہران ٹاون توں گزرن والے واٹر بورڈ دی ٣٦ انچ قطر دی سیوریج لائن تے ناجائز تجاوزات قائم ھن جیندی وجہہ نال مرکزی سیوریج لائن کئی واری پھٹ چکی ھائی تے آئے ڈینھ سیوریج دے مسائل پیدا تھیندے رھاندے ھن جیندے سبب ضلع کورنگی دی وڈی آبادی بری طرح متاثر تھیندی پئی ھائی ، منگل کوں ڈپٹی کمشر کورنگی عبدال واجد شیخ دی زیر نگرانی آپریشن کیتا گئیا۔

ایں موقع تے اسٹنٹ کمشنر ریونیو وسیم الدین ، اسٹنٹ کمشنر کورنگی نجیب جمالی ، ایس پی کورنگی شعبان علی ، مختیار کار کورنگی احمد میمن ، واٹر بورڈ دے ایگزیکٹو انجینئر ایاز تونیو ، کے ڈی اے دے افسران ، پراجیکٹ ڈائریکٹر کے ڈی اے ڈسٹرکٹ پولیس تے اینٹی انکروچمنٹ پولیس دی بھاری نفری دے نال موجود ھن آپریشن دے دوران بھاری مشینری دی مدد نال تقریبان آر ایف ٹی ١٥٠٠ دی جگی خالی کرائی گئی تے ١٠٠ توں ودھ مکانات تے دکاناں کوں مسمار کر ݙیتا گئیا کئی جگہواں تے روکاوٹ دا سامنڑاں وی کرنا پیا لیکن لوکل پولیس نے بروقت حکمت عملی دی وجہہ توں ایکوں کنٹرول کر گھیدا ، ڈپٹی کمشنر کورنگی نے کامیاب آپریشن تے لوکل پولیس دے کم دی تعریف کیتی۔

Similar Posts

Leave a Reply

Your email address will not be published. Required fields are marked *