ٹرمپ دی تجویز تے شام ءچ حملہ نی تھیا، بلکہ اے ضروری ھا، برطانیہ
لندن(سرائیکی نیوز۔ این این آئی) برچانوی وزیر اعظم تھریسامے نے الزام عائد کیتا ھِ کہ شامی حکومت نے اپنڑی عوام تے چار بارکیمیائی ہتھیار استعمال کیتے ، عرب ٹی وی دے مطابق پارلیمنٹ دے اجلاس نال خطاب ءچ تھریسامے نے شام ءچ فوجی کارروائی دے حوالے نال ایوان کوں اعتماد ءچ گھیدا، انہاں آکھیا کہ شام ءچ اساݙی فوجی مداخلت دا اوتھاں تے جاری خانہ جنگی دے نال کوئی تعلق کینی تے نا ہی اساں اے اقدام شامی رجیم کوں تبدیل کرݨ کیتے چاتے شام ءچ فوجی کارروائی دا مقصد اسد رجیم کوں اپنڑی قوم دے خلاف کیمیائی حملیاں توں باز رکھن ھا تھریسامے نے مزید آکھیا کہ شام تے حملہ ایں ویلے کیتا گئیا جئیں ویلے اسد رجیم دے ہتھ کیمیائی ہتھیاراں دے استعمال دے ٹھوس ثبوت سامنڑیں آئے تے ایں حملے ءچ کامران دے کیمیائی ہتھیار تے انہاں کوں استعمال کرݨ دی صلاحیت ختم کر ݙیتی ھِ برطانوی وزیر اعظم دا آکھن ھِ کہ اساں شام ءچ کیمیائی حملے دی تحقیقات کیتے سلامتی کونسل نال رجوع کیتا لیکن روس نے اساݙا رستہ روکا، اساں وی شام ءچ صدر ڈونلڈ ٹرمپ دی تجویز تے حملہ نی کیتا بلکہ ایہو جیاء کرݨ ضرور ھا انہا نے مزید آکھیا ھا ہ شام ءچ فوجی کارروائی انٹیلی جنس معلومات دی بنیاد تے کیتی گئی ایندے بعد برچانیہ شام ءچ امن عمل کوں اگوں ودھاون تے توجہ مرکوز کریسی۔
