سی پیک تے کم کرݨ والے چینی انجینئرز ڊا پولیس اہلکاراں تے تشڊڊ

0
286

کبیر والہ (سرائیکی نیوز) سی پیک تے کم کرݨ والے چینی انجینئرز نے پولیس اہلکاراں کوں تشدد دا نشانہ بنڑایا کبیر والا چ پاکستان چین اقتصادی راہداری (سی پیک) اچ شامل ایم فور موٹر وے نور پور سائٹ تے چینی باشندے اپنڑی سیکیورٹی تے مامور پولیس نال لڑ پئے ، چینی شہریاں نے بغیر سیکیورٹی کیمپ توں باہر ونجن دی کوشش کیتی تاں پولیس نے انہاں دی حفاظت دے پہلو نال انہاں کوں روکا جئیں تے چینی باشندے برہم تھئے گے تے پولیس اہلکاراں کوں تشدد دا نشانہ بنڑایا، چینی انجینئر نے پولیس اہلکاراں کوں تھپڑ مارے تے دھکے ݙیتے جبکہ پراجیکٹ انجنئر ڈینی نے پولیس اسکواڈ دے انچارج لطیف کوں کرسی چا تے مار ݙیتی ، نیز ھک چینی باشندہ پولیس موبائل تے چڑھ تے کھڑا تھئی گئیا چینی ملازمین نے اشتعال انگیزی دا مظاہرہ کریندے ہووے کیمپ دی بجلی وی کٹ ݙیتی۔ پولیس نے صورتحال کوں کنٹرول کرݨ کیتی چینی شہریاں کوں کیمپ اچ بند کر تے باہروں تالے لا ݙیتے ، واقعے دی اطلاع ملدے ھی اسٹنٹ کمشنر کبیر والا تے ڈی ایس پی موقع تے پھج گعے تے گالھ مہاڑ کر تے معاملے دے حل دی کوشش کیتی تاہم چینی ملازمین نے مذاکرات توں انکار کر ݙیتا تے حالات بدستور کشیدہ ھن ، واضح رھاوے کہ غیر ملکی انجینئرز فیصل آباد ملتان موٹر وے پراجیکٹ تے کم کریندے پئے ھن

 

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.