تعلیمی اداریاں اچ کولڈ ڈرنگ تے چپس سمیت مضر صحت چیزاں تے پابندی
پشاور(سرائیکی نیوز . ملک بلال احمد سپرا ) خیبر پختونخوا فوڈ سیفٹی تے حلال فوڈ اتھارٹی نے حفظان صحت کوں یقینی بنڑاون کیتے ٨ کھاون پیون دیاں چیزاں تے پابندی عائد کریندے ہووے سکولاں تے کالجاں دی حدود اچ کھلے شربت ویچن، چیپس یا پاپڑ ویچن دے علاوہ مضر صحت چیزاں دی فروخت تے پابندی لا ݙیتی ھِ ایں بارے فوڈ اتھارٹی دے ڈائریکٹر جنرل ریاض خان محسود نے پریس کانفرنس کریندے ہووے ڈسایا کہ اتھارٹی دی طرفوں مکتلف وجوھات دی وجہہ توں انہاں دے کھاون پیون دی چیزاں دی فروخت تے پابندی لائی گئے ھِ انہاں ڈسایا کہی ویں اعلی تعلیم یافتہ خوراک دے ماہرین دی طرفوں ھک اجلاس اچ مختلف چیزاں تے پابندی دی تجویز ڈیتی گئے ھِ جیندے اچ کجھ چیزاں تے پابندی لا ݙیتی گئی ھِ جبکہ دیگر کوں بہتری واسطے کجھ وقت ݙیتا گئیا ھِ انہاں آکھیا کہ کمیٹی متفقہ طور تے فیصلہ کیتا ھِ کہ سکولاں تے کالجاں دی حدود اچ کاربونیٹڈ مشروعبات ، کھلے شربت ، چپس تے مضر صحت چیزاں دی فروخت تے پابندی ہوسی تے ایں تے فوری عملدرآمد یتا ویسی جبکہ ضرورت پووݨ تے ایں صورت اچ ایندا دائرہ کار جامعات تے دیگر علاقیاں تک وی ودھایا ونج سکدے
