پاک روس مذاکرات، ݙو طرفہ تعاون اچ مزید بہتری تے آمادگی دا اظہار

اسلام آباد(سرائیکی نیوز) پاکستان تے روس نے موجودہ مثبت تعلقات اچ مزید بہتری کیتے نویں مواقع دی تلاش تے آمادگی دا اظہار کیتا ھِ وزارت خارجہ توں جاری اعلمیے اچ واضح کیتا گئیا کہ پاک روس اسٹرٹیجک استحکام مشاورتی گروپ دے ١٢ ویں اجلاس اچ ڈونہاں ملکاں دے مشترکہ مفادات دی بناید تے تعلقات اچ مزید بہتری واسطے نویں زاواٰں تے کم کرݨ تے اتفاق دا اظہار کیتا۔ واضح رھاوے کہ پاک روس مشاورتی گروپ 2003 اچ تشکیل ڈیتا گئیا ھا جیندے تحت ڈونہاں ملکاں دے درمیان مربوط مذاکراتی  عمل طے پاتے ھن مذکورہ اجلاس اچ ڈونہاں ملکاں دے اعلی افسران نی شرکت کیتی۔دفتر خارجہ دے ترجمان دے مطابق پاکستانی وفد دی قیات اسپیشل سیکریٹری تسنیم اسلم جبکہ روسی وفد دی سربراہی نائب وزارت خارجہ سرگئی ریابکوف نے کیتی وزارت خارجہ دے مطابق ڈونہاں طرف توں ہتھیاراں تے کنٹرول ، تخفیف اسلحہ تے جوہری عدم پھیلاو سمیت علاقاتی تے عالمی تبدیلیاں تے تفصیلی تبادلی خیال کیتا گئیا۔

واضح رھاوے کہ پاکستان تے روس دے مابین 2014 اچ دفاعی تعاون معاھدہ تے 2015 اچ تکنیکی تعاون دا معاہدی تھیا جیندے تحت ہتھیاراں دی فراہمی تے انہاں دی تیاری اچ شامل ھا ، وزیر خارجہ خواجہ آصف نے گزرن مہینے ماسکو دا دورہ کیتا جیندے اچ ڈعنہاں ملکاں نے عسکری تعاون اچ بہتری کیتے ملٹری کمیشن دی تشکیل تے آمادگی ظاہر کیتی ھائی۔

سرد جنگ دے دورانپاکستان دی روس نال طویل عرصے کشیدگی رھی تاہم ڈونہاں ملکاں دے تعلقات اچ خوشگوار تبدیلی دا سلسلہ 2007 توں شروع تھئیا تے اسلام آباد تے ماسکو دے مابین بہترین تعلقات دے باوجود ڈونہاں ملک نے جوہری تعاون تے غیر واضح اقدامات چاتے۔

یاد رھاوے کہ روس بھارت کوں نیو کلیئر سپلائرز گروپ دا ممبر بنڑاون کیتے مدد کریندا پئے لیکن او پاکستان دا رستہ وی نہیں روکیندا رھیا تاہم روس جوہری تعاون دے حوالے نال مذاکرات اچ سنجیدہ کینی۔ تجارت تے اقتصادی تعاون ھک ایہو جئے ڈو شعبے ھن جیتھاں ڈونہاں ملکاں دے درمیان تعاون دا فقدان ھِ روس توانائی دے شعبے اچ تعاون تے سنجیدہ ھِ تے ایں ضمن اچ اسلام آباد تے زور ݙیندا رھیا ھِ کہ او بین الحکومت دے معاہدہ تے عملدرآمد کرواوے۔

وزارت خارجہ دے مطابق ڈونہاں اطراف تے بھارت دا امریکا دی طرفں غیر معمولی جھکاو تے طول پکڑیندی افغانستان دی صورتحال وانگوں موضوعات تے تفصیلی تبادلہ خیال کیتا، ڈونہاں ملکاں نے عالمی سطح تے وی تعاون تے شراکت داری تے اتفاق دا اظہار کیتا