سرائیکی اجرک ݙے کوں سرائیکی کلچر ݙے دے طور تے منایا ونجے، منظور رحمانی
ملتان(سرائیکی نیوز۔ یوسف اقبال) ٦ مارچ سرائیکی اجرک ڈے دی بجائے سرائیکی کلچر ڈے دے طور تے منایا ونجے، منظور رحمانی، تفصیل دے مطابق منظور رحمانی ایڈووکیٹ سپریم کورٹ ملتان نے آکھیا کہ ٦ مارچ دے ڈینھ کوں سرائیکی اجرگ ݙے دی بجائے کلچر ڈے تے طور تے منایا ونجے، انہاں آکھیا کہ تمام سرائیکی پارٹیاں کوں صرف ھک بنیادی سرائیکی پارٹی اچ ضم کیتا ونجے، واحد سرائیکی پارٹی دی قیادت کوں صرف آئینی حیثیت ہوونڑیں چاھیدی ھِ ھک سرائیکی رابطہ کمیٹی دا قیام عمل اچ گھن تے آیا ونجے ایں سرائیکی رابطہ کمیٹی اچ یونین کونسل سطح تک تے وارڈ سطح تک ذیلی تنظیم سازی تھیونڑی چاھیدی ھِ تمام فیصلے کمیٹی اچ تھیونڑیں چاھیدے ھن ھک باضابہ چندہ مہم دا آغاز کیتا ونجے ایہجی تمام سرائیکی پارٹیاں جو ھک سرائیکی پارٹی اچ ضم نا تھیون تے کہیں ڈوجہی سیاسی پارٹی واسطے کم کریندی ہوون انہاں دا مکرو چہرہ قوم دے سامنڑیں گھن تے آیا ونجے انہاں آکھیا کہ ٢٠١٨ دے انتخابات اچ تمام صوبائی تے قومی سیٹاں تے سرائیکی نظریاتی امیدار کھڑے کیتے ونجن، انتخابی مہم اچ سرائیکی صوبہ دا منشور گھن تے پوری محنت کیتی ونجے۔
