جیل اچ شرجیل میمن دی طبعیت ویگڑ گئی، آپریشن ضروری قرار
کراچی(سرائیکی نیوز۔جلیل احمد لاشاری) سابق وزیر اطلاعات سندھ شرجیل میمن دی جیل اچ طبعیت ویگڑ گئی، ڈاکٹرز نے فوری آپریشن ناگزیر قرار ݙے ݙیتا، شرجیل میمن دا جناح ہسپتال اچ تریھ گھنٹے طبعی معائنہ تھیا جیندے دوران مختلف ٹیسٹ کیتے گئے ڈاکٹراں نے اپنڑیں رپورٹ اچ آکھا ھِ کہ شرجیل میمن دے دائیں مونڈھے تے پیر اچ شدید تکلیف ھِ ایندے کیتے آپریشن تک شرجیل میمن کوں ہسپتال اچ داخل کرݨ ضروری ھِ ، شرجیل میمن کوں میڈیکل ٹیسٹ دے بعد واپس جیل منتقل کر ݙیتا گئے۔
واضح رھاوے کہ احتساب عدالت نے محکمہ اطلاعات سندھ اچ پونڑیں چھی ارب روپے دی کرپشن کیس اچ سابق وزیر اطلاعات شرجیل میمن تے دیگر ملزمان تے ١٥ فروری کوں فرد جرم عائد کیتی ھائی۔
