توہین عدالت کیس، دانیال عزیز کوں ریکارݙ فراہم
اسلام آباد(سرائیکی نیوز۔ عمران عباس) توہین رسالت کیس وچ وفاقی وزیر نجکاری کمیشن دانیال عزیز کوں ریکارڈ فراہم کر ݙیتا گئیا ھِ جسٹس عظمت سعید شیخ نے ریمارکس ݙیتے ھن کہ انہاں دے نال او کھیڈ نا کھیڈا ونجے جو انہاں خود ایجاد کیتے، دانیال عزیز دے خلاف کیس کوں مزید ملتوی نا کیتا ویسی۔ وفاقی وزیر دانیال عزیز دے خلاف توہین عدالت کیس دی سماعت دے دوران جسٹس عظمت سعید شیخ نے آکھیا کہ اج عدالت اچ اسکرین نصب کیتی گعی ھِ اساں اج کیھڑی فلم ڈیکھدے پئے ھن کہیں کہیں فلم کوں اسکر ایوارڈ ملیا ھِ؟ دانیال عزیز دے وکیل نے آکھیا کہ انہاں نے کوئی فلم نی ڈیکھائی، مبینہ توہین آمیز مواد دی فراہمی کیتے متفرق درخواست دائر کیتی ھِ
جسٹس شیخ عظمت سعید نے وکیل کوں مخاطب کریندے ہووے آکھیا کہ علی رضا تساڈے کول کریڈٹ کارڈ ہوسی؟کریڈیٹ کارڈ دی طرح ہر کم دی ھک حد ھوندی ھِ اپنڑیں کریڈیٹ کارڈ دی حد ختم نا کرو، میڈی گالھ سمجھ گئے ہوسو، او کھیڈ نا کھیڈو جو میڈی ایجاد ھِ 6 مارچ دی تاریخ ھِ مزید وقت ڈیون مناسب نا ہوسی ایندے بعد کیس ملتوی نا تھسی ، علی رضا ایڈدوکیٹ نے آکھیا ھِ کہ او عدالت دے نال مکمل تعاون کریسن۔ وفاقی وزیر نجکاری دانیال عزیز کوں توہین آمیز تقریراں دا ریکارڈ فراہم کر ڈیتے وفاقی وزیر کوں فراہم کردہ ریکارڈ کوں ہائی لائٹ وی کیتا گئیا ھِ عدالت نے کیس دی مزید سماعت 6 مارچ تک ملتوی کر ݙیتی۔
