طلباء دا احتجاج، لودھراں روڈ جلال پور پیروالا ٹرٹ بھج دا شکار، مشکلات دا سامنڑاں
جلال پور پیروالہ(سرائیکی نیوز۔ولی محمد ) لودھراں روڈ جلال پور پیر والہ بھج تروٹ تے سڑک نا بنڑن دی وجہہ توں ایجوکیٹر سکول دے طلباء پر امن احتجاج کریندے پئے ھن ایں سڑک دے نا بنڑݨ نال حادثے دا ڈر رھاندے تے مسلسل ٹریفک دی وجہہ نال رستے بند رھاندن خاص کار جئیں ویلے بارش تھئی ونجے تاں ھزاراں سکول ونجن والے بالاں کوں شدید پریشانی دا سامنڑاں رھاندے، سڑک تے پروفیسر گرائمر، رائٹ وے سکول ، برٹنس گرائمر سکول ، دارارقم سکول، قائد اعظم سکول ، سکالرز سکول اینڈ کالج الرضا ہائی سکول، ، الرضا کالج ، الشمس کالج سمیت کافی تعداد اچ سکولاں کالجاں شادی ھال تے کاروباری مراکز ن بالاں مٹے نال اٹھن والی گردوغبار نال تھیون والی تکلیفاں بارے ڈسایا انہاں نے آکھیا کہ اساڈے نال نال گھر والے وی ایں مٹی نال بیمار تھیندے ویند۔ طلباء تے اہلیان علاقے نے مطالبہ کیتا کہ جلد از جلد سڑک دی تعمیر مکمل کیتی ونجے تاکہ حادثات تے بیماریاں نال لڑدے لوگ سکھ دا ساہ گھن سکن۔
