پسماندہ علاقیاں دے بنیادی مسائل کوں حل کرن میڈا مشن ھِ ، شیخ فیاض الدین
خان پور (سرائیکی نیوز۔ ذیشان انور) ایم این اے حلقہ این اے ١٩٣ شیخ فیاض الدین نے غریب آباد دے لوگاں دے نال کیتے تمام وعدے پورے کر ݙیتے غریب آباد تے تمام تر علاقیاں واسطے گیس پائپ لائن ٤ انچ دی منظورہ وی تھئی چکی ھِ ٹی بی ایس دا کم دوبارہ شروع تھیندا پئیا ھِ جو کہ پنجھ ڈینھ دے اندر مکمل تھیسی انہاں خیالات دا اظہار مسلم لیگ ن دے رھنما نعیم مغل نے عمائدین علاقہ دے نال غریب آباد دی گلی نمبر ١ اچ گیس پائپ لائن تنصیب دے کم د اافتتاح کریندے ہووے کیتا انہاں آکھیا کہ سوئی گیس غریب آباد دے لکھاں لوگاں دا سالہاسال توں اے مسئلہ چلدا آندا پیا ھا شیخ فیاض الدین نے ایں دیرینہ مطالبے کوں پورا کر تے غریب آباد دے لوگوں تے احسان کیتا ھِ انہاں آکھیا کہ ایم این اے شیخ فیاض الدین نے وعدہ کیتا ھا کہ تمام تر کم وقت تک مکمل تھئی ویسن ۔ دریں اثناء غریب آباد دے نمائندیاں نعیم مغل ، حنیف مغل ، راو محمد شفیف ، راو عبدالعزیز حافظ دین محمد ، مرزا محمد یاسین، راو محمد شریف ، آصف حنیف ، مرزا توصیف ، علی رضا نے ایم این اے شیخ فیاض الدین نے انہاں دی رہائش گاہ تے ملاقات کیتی تے پاکستان ریلوے توں گیس پائپ لائن دی اپروول گھن تے شکریہ ادا کیتا تے انہاں کوں غریب آباد جلسے دی دعوت ڈیتی ایں موقع تے ایم این اے شیخ فیاض الدین نے آکھیا کہ پسماندہ علاقیاں دے بنیادی مسائل کوں حل کرن میڈا مشن ھِ شہر دے تنگ و تاریک محلیاں اچ ٹف ٹائل ، ویوریج ، سوئی گیس تے بجلی دے مسائل حل کرن کیتے ڈینھ رات کم کریندا پیاں عوامی خدمت ھی مسلم لیگ ن دا طرہ امتیاز ھِ ایں موقع تے عمائدین کثیر تعداد اچ موجود ھن۔
