صدر طیب اردگان

اساݙے کیتے کشمیر دی سنجھاݨ وی اُوھو ھِ جو پاکستان کیتے ھِ ، ترک صدر

اساݙے کیتے کشمیر دی سنجھاݨ وی اُوھو ھِ جو پاکستان کیتے ھِ ، ترک صدر

ترک صدر رجب طیب اردوان نے پارلیمنٹ دے مشترکہ اجلاس توں خطاب کریندے ہووے کشمیر تے ھک واری ول پاکستان دی حمایت کریندے ہووے اکھیا کہ اساݙے کیتے کشمیر دی سنجھاݨ اوھو ھِ جو چناق قلعے دی ھائی

اسپکر قومی اسمبلی اسد قیصر تے چیئرمین سینیٹ صادق سنجرانی دی زیر صدارت مشترکہ پارلیمنٹ دا اجلاس تھئیا جیندے ءچ ٢ روزہ دورہ تے آئے صدر رجب طیب اردوان نے خطاب کیتا۔ مشترکہ اجلاس نال خطاب کریندے ہووے ترک صدر نے آکھیا کہ پاکستان دے عوام دی خدمت ءچ سلام محبت پیش کرینداں تے ݙونہاں ملکاں دی قیادت کوں یکجا کرݨ تے اللہ دا شکر ادا کرینداں ۔ انہاں آکھیا کہ پاکستان دے سرکاری دورے تے اساݙے نال مخاطب تھیوم مسرت تے دلی خوشی دی وجہہ ھِ ایں مشترکہ اجلاس توں خطاب دا موقع فراہم کرݨ ءچ میں علیحدہ علیحدہ سب دا شکر گزار ھاں۔

ترک صدر نے آکھیا کہ میڈے اسلام آباد ءچ قدم رکھݨ نال ھی جئیں طریقے نال پاکستان دے عوام نے خوشی تے محبت نال استقبال کیتا میں ایں تے پاکستانی قوم تے اعلی حکام دا تہہ دل نال مشکور ھاں میں ایتھاں پاکستان ءچ کڈھیں وی اپنڑیں آپ کوں اجنبی ملک محسوس نی کریندا۔ رجب طیب اردوان دا آکھݨ ھا کہ اج پاکستان تے ترکی دے تعلقات سب کیتے قابل رشک ھن سلطنت مغلیہ دے بانی ظہیر الدین بابر نے موجودہ پاکستانی سمیت تمام خطے تے تقریبان ٢٥٠ سال حکومت قائم رکھی تے اساݙی مسشترکہ تاریخ نہ مٹݨ والی ھِ انہان آکھیا کہ ١٩١٥ ءچ جئیں ویلے ترک فوج اپنڑیں چناق قلعے دا دفاع کریندے پئی ھائی تاں ایں محاذ ءچ ٦ ھزار کلو میٹر دور ایں سر زمین تے تھیوݨ والے مظاہرے تے ریلیاں اساݙی تاریخ دے ناقابل فراموش صفحات تے درج تھئی چکے ھن ۔

اپنڑیں گالھ کوں کریندے ہووے انہاں آکھیا کہ لاہور ءچ تھیوݨ والے انہاں دے تاریخی جلسیاں دا مرکز نگاہ چناق قلعے ھی ھا انہاں جلسیاں دا انتظام کرݨ والے منتظمین دراصل لچناق قلعے ءچ برسرپیکار ترک فوجیاں تے ترک قوم دی امداد دا مقصد نال ھائی۔

 

پاکستانی عوام دی مدد کوں فراموش نی کر سکدے

ترک صدر دا آکھݨ ھا کہ پاکستان دے عوام نے اپنڑاں ݙھیڈ کٹ تے جیویں اساݙی لوڑ تے ویلے ترکی دی مدد کیتی اساں ایکوں فراموش نی کر سکدے تے نا کریسوں تے اساݙے کیتے ایں ویلے کشمیر دی حیثیت اوہو ھِ جو تساݙے کیتے ھِ انہاں آکھیا کہ اج کشمیر اوہو ھِ جو کل چناق قلہ ھا ایندے ءچ کوئی فرق کینی ، رجب طیب اردوان نے آکھیا کہ ترکی تے پاکستان دے تعلقات ایہو جئے ھن جو شاید ھی دنیا ءچ کہیں ملکاں دے درمیان ہوون۔ انہاں آکھیا کہ پاکستان دا ݙکھ تے درد اساݙا ݙکھ درد ھِ پاکستان دی خوشی اساݙی خوشی ، ایندی کامیابی و کامرانی اساݙی کامیابی وی کامرانی ھِ تے ایں سوچ دے نال اساں حالیہ کجھ عرصے توں پاکستان ءچ اوݨ والی قدرتی آفات ، سیلاب تے زلزلے دی تباہ کاریاں دے موقعے تے اپنڑیں بھیراواں دی مدد کیتے اگئی تے آئے۔

رجب طیب اردوان نے آکھیا کہ اپنڑیں بھیراں دی جنگ استقلال ءچ شرکت کریندے ہووے اپنڑی جاناں دا نظرانہ پیش کرم والی شوکت علی تے محدم علی جوہر کوں اساں کیویں فراموش کر سکدے ھیں اساں کݙھین وی نی بھل سکدے۔ ترک صدر نے آکھیا کہ اساں حیدر آباد توں گھن تے اسلام آباد تک اپنڑیں تمام بھینڑیں بھیراواں دی ترکی کیتے تے ترکی دی جنگ استقلال کیتے سجدیاں ءچ رو رو دے دعاوواں کرݨ والیاں کوں کیویں بھل سکدے ھیں اساں انہاں کوں کڈھیں فراموش نی کر سکدے

انہاں مزید آکھیا کہ پاکستان دے نال ازل توں چلݨ والے اساݙے برادرانہ تعلقات تا ابد قائم رھاسن کیونکہ اساݙا اخوت دا رشتہ ھِ رشتے داری کینی بلکہ دل دی لگن دا رشتہ ھِ اساݙی دوستی مفاد تے مبنی کینی بلکہ عشق و محبت نال پروان چڑھی ھِ ۔

Similar Posts

Leave a Reply

Your email address will not be published. Required fields are marked *